سوڭعى بٸرنەشە كٷن ٸشٸندە دوسىم, ەرٸپتەسٸم راسۋل جۇمالىعا قارسى كەشەندٸ شابۋىل جاسالىپ جاتىرعانىن بارلىقتارىڭىز كٶرٸپ تە, بايقاپ تا جٷرگەن بولارسىزدار. سوعان وراي, ٶزٸمنٸڭ كٶزقاراسىمدى بٸلدٸرگٸم كەلٸپ وتىر.
1. شابۋىلدىڭ باستى سەبەبٸ - راسۋلدىڭ وسىعان دەيٸنگٸ ەكٸنشٸ دٷنيەجٷزٸلٸك سوعىس, جەڭٸس كٷنٸنە قاتىستى تىڭ ويلارى سەبەپ بولدى دەپ سانايمىن.
2. شابۋىلدىڭ ماقساتى - راسۋلدى ادام, ازامات, ساراپشى, مامان رەتٸندە قارالاۋ بولىپ تابىلادى. شابۋىلدىڭ تاعى بٸر ماقساتى اتالمىش كٸتاپتى جارييالاۋعا مۇرىندىق بولعان ەرلان قارين دوسىمىزدى قارالاۋ, وعان كٷيە جاعۋ.
3. ەندٸ ايىپتاردىڭ مەنٸسٸنە كەلسەك, رەكەڭ مەن-جايدى ٶز پاراقشاسىندا ايتىپ شىقتى. وعان الىپ قوسارىم جوق.
الايدا مىنانى باسا ايتقىم كەلٸپ وتىر.
راسۋل ٶتە ادال, جۇمىسىنا, ٶمٸرٸنە, سٶزٸ مەن ٸسٸنە اسقان پرينتسيپپەن, كٸرپييازدىقپەن قارايتىن تۇلعا. اتىشۋلى كٸتابىنىڭ دٷنيەگە قالاي كەلگەنٸن, قانداي ٸزدەنٸسپەن كەلگەنٸن بٸر ادامداي بٸلەمٸن. و باستا مىناداي تاڭداۋ تۇرعان بولاتىن; يا عىلىمي مونوگرافييا جازۋ, يا كٶپشٸلٸككە ارنالعان, اعارتۋشىلىق باعىتتاعى شولۋ كٸتاپ شىعارۋ. شىنىن ايتايىن, "رەكە, جالپى بٸزدٸڭ ەلدە اراب ەلەمٸنە قاتىستى كٶپتەگەن جاڭساق پٸكٸر بار. كٶپشٸلٸك وقيتىن, كەڭ كٶلەمدٸ كٸتاپ جوقتىڭ قاسى. بولاشاقتا تالاي مونوگرافييا كەلە جاتار, قازٸر كٶپشٸلٸككە ارنالعان دٷنيە كەرەك" دەپ ٷگٸتتەگەندەردٸڭ بٸرٸ مەن ەدٸم. مەنٸڭ ويىمشا, راسۋل ٶز الدىنا قويعان ماقساتىن تولىق ورىندادى.
"ارابسكيي پاسيانس" دەگەن كٸتابى قالىڭ جۇرتقا جولىن تاپتى. ٸشٸندە اراب ەلەمٸنە قاتىستى كٶپتەگەن اقپارات بار شولۋ كٸتاپ. ەربٸر دەرەككٶزٸ تۋرالى اقپارات كٸتاپتى ايقىن, انىق كٶرسەتٸلگەن. كٸتاپ جانرىنىڭ ٶزٸ ەربٸر بەتكە دەرەككٶزٸن كٶرسەتۋ, سٸلتەمەسٸن بەرۋ دەگەندٸ كٶزدەمەيدٸ. راسۋل تەك وسى كٸتاپتىڭ عانا اۆتورى ەمەس. تالاي عىلىمي دٷنيەنٸ, مونوگرافييانى جازدى. ەشبٸرٸنە ەشكٸمنٸڭ ايتار مٸنٸ, تاعار ايىبى جوق دەپ ويلايمىن.
شابۋىلدى ۇيىمداستىرۋشىلار ەدەيٸلەپ وسى كٸتاپتى نىسانا قىلعانى دا تەگٸن ەمەس. اقپاراتى, دەرەگٸ كٶپ كٸتاپتا تىرناق استىنان كٸر ٸزدەيتٸن ادام قاشان دا قاتەلٸك تابا الادى. اسقان پرينتسيپكە بارسا, دەل بٷگٸن اق ەلٸمٸزدە جازىلعان عىلىمي ديسسەرتاتسييا مەن عىلىمي كٸتاپتىڭ بارشا اۆتورىن ۇرى-قارى قىلىپ شىعارۋعا بولادى. الايدا ولاردىڭ بٸرٸنٸڭ دە مۇرتىن بالتا شاپپاي وتىر عوي...
قىسقاسى, عابيتشە ايتساق, راسۋل حالىق جاۋى بولسا, مەن دە حالىق جاۋىمىن!
راسۋلدى تولىق قولدايمىن! وعان, ەرلانعا قارسى جاسالىپ جاتقان شابۋىلدى جالپى بٸر بۋىنعا, قازاق ۇلتشىلدارىنا جاسالىپ جاتقان شابۋىل دەپ سانايمىن. وسىنداي جاعدايدا دوستارىمدى قولداۋ, قاسىنان تابىلۋدى ٶزٸمنٸڭ ادام, دوس, ساراپشى رەتٸندەگٸ بورىشىم, پارىزىم دەپ ەسەپتەيمٸن.
ايدوس سارىمنىڭ فەيسبۋكتاعى جازباسىنان
