فوتو: egemen.kz
شەشەنستان باسشىسى رامزان كادىروۆتىڭ ۇلى, ەرٸ شەشەنستان باسشىسىنىڭ كٶمەكشٸسٸ, ٶڭٸردٸڭ قاۋٸپسٸزدٸك كەڭەسٸنٸڭ حاتشىسى ادام قادىروۆقا «ا.ا. قادىروۆ اتىنداعى “سەۆەر” ارنايى موتورلاندىرىلعان پولكٸنٸڭ 20 جىلدىعى» اتتى ەستەلٸك مەدال تابىستالدى, دەپ حابارلايدى Ult.kz ريا نوۆوستيگە سٸلتەمە جاساپ.
مەدال ادام قادىروۆقا گروزنىي قالاسىندا رەسەي باتىرى ا.ا. قادىروۆ اتىنداعى «سەۆەر» پولكٸنٸڭ قۇرىلعانىنا 20 جىل تولۋىنا وراي ٶتكەن مەرەكەلٸك ٸس-شارا بارىسىندا تابىس ەتٸلدٸ.
«رەسەي باتىرى احمات-حادجي ابدۋلحاميدۇلى قادىروۆ اتىنداعى پولكتٸڭ 20 جىلدىعىنا ارنالعان ەستەلٸك مەدالمەن شەشەن رەسپۋبليكاسى قاۋٸپسٸزدٸك كەڭەسٸنٸڭ حاتشىسى قادىروۆ ادام رامزانۇلى ماراپاتتالادى», — دەپ ٸس-شارا جٷرگٸزۋشٸسٸ جارييالادى.
19 جاستاعى ادام قادىروۆ جاس بولعانىنا قاراماستان تٷرلٸ جوعارى دەرەجەلٸ ماراپاتتارمەن جيٸ ماراپاتتالىپ جٷر. بۇعان دەيٸن ول «شەشەن رەسپۋبليكاسىنىڭ ەڭبەك داڭقى» وردەنٸ, شەشەنستان رەسپۋبليكاسىنىڭ قۇرمەتتٸ ازاماتى» اتاعى, سونىمەن بٸرگە ٸشكٸ ٸستەر ورگاندارىنىڭ جەنە كٷشتٸك قۇرىلىمداردىڭ مەدالدارى, ونىڭ ٸشٸندە شەشەنستان ٸٸم-نٸڭ بٸرنەشە ۆەدومستۆولىق ناگرادالارى بار.
كٸشٸ قادىروۆ روسگۆاردييا ماراپاتتارىن دا العان. اتاپ ايتساق, رەسەي ۇلتتىق گۆارديياسىنا قاتىستى بٸرقاتار مەدالدارمەن ماراپاتتالعان.
