2019 جىلى زەينەتاقى جيناعىن پايدالانۋعا قاتىستى باستاۋ العان رەفورما بيىل جٷزەگە اسىرىلۋى كەرەك. بٷگٸن قر پرەزيدەنتٸ قاسىم-جومارت توقاەۆتىڭ VII شاقىرىلىمىنداعى پارلامەنت سەسسيياسىندا سٶيلەگەن سٶزٸنە قاتىستى «تالاپ» قولدانبالى زەرتتەۋلەر ورتالىعىنىڭ ديرەكتورى راحىم وشاقباەۆ وسىنداي پٸكٸر بٸلدٸردٸ, دەپ حابارلايدى قازاقپارات.
«مەملەكەت باسشىسى قاسىم-جومارت توقاەۆ ساياسي رەفورمالاردىڭ ٷشٸنشٸ پاكەتٸندە ايتىلعان باستامالاردى قولعا الىپ, ساياسي جٷيەنٸ ترانسفورماتسييالاۋدى جالعاستىرۋدا. ول ساياسي پارتييالاردىڭ مەجٸلٸسكە ٶتۋ شەگٸن 7%-دان 5%-عا تٶمەندەتۋ كەرەكتٸگٸن ايتتى», - دەيدٸ راحىم وشاقباەۆ.
ونىڭ پايىمداۋىنشا, ەلدٸڭ نازارىندا بولاتىن تاعى بٸر ماڭىزدى مەسەلە زەينەتاقى جيناعىن پايدالانۋعا قاتىستى. بۇل – مەملەكەت باسشىسىنىڭ باسقا رەفورماسى. 2019 جىلى باستاۋ العان رەفورما بيىل جٷزەگە اسىرىلۋى كەرەك. ارادا بٸر جارىم جىل ٶتتٸ, ەندٸ بۇل رەفورمانىڭ قالاي جٷزەگە اساتىنىن, قاي جاعىنان تيٸمدٸ ەكەنٸن كٶرەمٸز. دەل وسى رەفورما - ەلدٸڭ نازارىندا», - دەيدٸ ول.
