رەسپۋبليكاداعى جالپى سالىقتىق جەنە باسقا دا اۋىرتپالىقتى 34%-دان 20-25%-عا دەيٸن ازايتۋ كەرەك. بۇل بيۋدجەت كٸرٸستەرٸن ارتتىرادى. مۇنداي پٸكٸردٸ پرەزيدەنت جانىنداعى ۇلتتىق قوعامدىق سەنٸم كەڭەسٸنٸڭ مٷشەسٸ راحىم وشاقباەۆ ايتتى, دەپ حابارلايدى Baq.kz اگەنتتٸگٸ.
«جولداۋدا ايتىلعان تاعى بٸر ماڭىزدى باستاما – بۇل سالىقتار مەن تٶلەمدەردٸڭ بارلىق بيۋدجەتتٸك قورلارعا بٸرىڭعاي تٶلەمگە بٸرٸكتٸرٸلۋٸ. بۇل تۇرعىدا كونسەنسۋس بار. مٷمكٸن كەزەڭ-كەزەڭٸمەن جٷرگٸزۋگە بولادى. بٸرٸنشٸدەن, تٶلەمدٸ بٸرٸكتٸرۋ, ەكٸنشٸدەن, بازالىق اۋدارىمداردى بٸرىڭعاي جٷيگە كەلتٸرۋ كەرەك. ٷشٸنشٸدەن, گرۋزييانىڭ مودەلٸن قاراستىرىپ كٶرگەن دۇرىس بولار دەپ ويلايمىن. ياعني, گرۋزييانىڭ تەجٸريبەسٸ بويىنشا سالىقتىق جٷكتەمەنٸ 34%-دان 20-25%-عا دەيٸن ازايتۋعا بولادى. بٸزدٸڭ الدىن الا ەسەبٸمٸز بويىنشا, ەگەر سالىقتىق جەڭٸلدٸك بولسا, كەرٸسٸنشە بيۋدجەتتٸڭ كٸرٸسٸ ارتادى. بۇل دەگەنٸمٸز لاففەر قيسىعىنىڭ بويىمەن وڭتايلى دەڭگەيگە اۋىسادى", - دەيدٸ وشاقباەۆ 6 قىركٷيەكتە ٶتكەن قازاقستان رەسپۋبليكاسى پرەزيدەنتٸنٸڭ جانىنداعى ۇلتتىق سەنٸم ۇلتتىق كەڭەسٸنٸڭ العاشقى وتىرىسىندا.
ايتا كەتەيٸك, ۇلتتىق قوعامدىق سەنٸم كەڭەسٸ قر پرەزيدەنتٸ جانىنداعى كونسۋلتاتيۆتٸك-كەڭەسشٸ ورگان سانالادى. ۇلتتىق كەڭەس قىزمەتٸنٸڭ نەگٸزگٸ ماقساتى - جۇرتشىلىقتىڭ, ساياسي پارتييالاردىڭ, ازاماتتىق قوعامنىڭ ٶكٸلدەرٸمەن كەڭٸنەن تالقىلاۋ نەگٸزٸندە مەملەكەتتٸك ساياساتتىڭ ٶزەكتٸ مەسەلەلەرٸ بويىنشا ۇسىنىستار مەن ۇسىنىمدار. ول ٶز قىزمەتٸندە قازاقستان رەسپۋبليكاسىنىڭ كونستيتۋتسيياسىن, زاڭدارىن, قازاقستان رەسپۋبليكاسى پرەزيدەنتٸنٸڭ اكتٸلەرٸن, ٶزگە دە نورماتيۆتٸك قۇقىقتىق اكتٸلەردٸ, سونداي-اق وسى ەرەجەنٸ باسشىلىققا الادى.
كەڭەس تٶراعاسى – قازاقستان پرەزيدەنتٸ قاسىم-جومارت توقاەۆ. تٶراعا ورىنباسارى – پرەزيدەنت ەكٸمشٸلٸگٸنٸڭ باسشىسى قىرىمبەك كٶشەرباەۆ, حاتشىسى – پرەزيدەنت كەڭەسشٸسٸ ەرلان قارين.
