تەننيستەن اقش-تىڭ اشىق چەمپيوناتىنىڭ فينالىندا يسپانييالىق رافاەل نادال رەسەيلٸك دانييل مەدۆەدەۆتٸ تٸزە بٷكتٸردٸ, دەپ حابارلايدى "ۇلت اقپارات".
جارىس نيۋ-يوركتەگٸ ۇلتتىق تەننيس ورتالىعىنىڭ «حارد» جابىندىسى تٶسەلگەن كورتتا رىندا ٶتتٸ.
تۋرنيردٸڭ بەسٸنشٸ راكەتكاسى, 23 جاستاعى رەسەيلٸك سپورتشى نادالدەن 5:7, 3:6, 7:5, 6:4, 4:6 ەسەبٸمەن جەڭٸلٸپ قالدى. بۇل سپورتشىلاردىڭ ەكٸنشٸ رەت كەزدەسۋٸ. 11 تامىز كٷنٸ مەدۆەدەۆ نادال مونرەالدەگٸ تۋرنيردٸڭ فينالىندا قارسىلاسىپ, 3:6, 0:6 ەسەبٸمەن جەڭٸلٸپ قالعان ەدٸ.
كەسٸبي تەننيسشٸلەر قاۋىمداستىعىنىڭ (اتر) رەيتينگٸندە ەكٸنشٸ ورىندا تۇرعان 33 جاستاعى نادال US Open چەمپيوناتىندا وسىمەن تٶرتٸنشٸ رەت جەڭٸسكە جەتتٸ. سونداي-اق, ول Roland Garros چەمپيوناتىندا ون ەكٸ مەرتە, «ۋيمبلدوندا» ەكٸ رەت جەنە Australian Open-دە بٸر مەرتە جەڭٸسكە جەتكەن. وسىلايشا نادال ٷلكەن دۋلىعا تۋرنيرلەرٸنٸڭ 19 مەرتە جەڭٸمپازى اتانعان. يسپانييالىق تەننيسشٸ دەل وسى كٶرسەتكٸشپەن ەكٸنشٸ ورىنعا ورنالاستى. بٸرٸنشٸ ورىندا جيىرما مەرتە ٷزدٸك اتانعان شۆەيتسارييالىق رودجەر فەدەرەر تۇر.
اقش-تىڭ اشىق چەمپيوناتى - ٷلكەن دۋلىعا تۋرنيرلەرٸ ماۋسىمىندا تٶرتٸنشٸ ەرٸ قورىتىندى جارىس. بيىل جٷلدە قورى $57 ملن قۇرادى. نادال جەڭٸسٸ ٷشٸن $3,85 ملن, مەدۆەدەۆ $1,9 ملن الدى. سەنبٸ كٷنٸ ەيەلدەر اراسىنداعى سىننىڭ فينالىندا 19 جاستاعى كانادالىق بيانكا اندرەەسكۋ امەريكالىق سەرەنا ۋيليامستان ايلاسىن اسىرعان بولاتىن. 2018 جىلى ەرلەر اراسىنداعى جەكەلەي تۋرنيردە سەربييالىق نوۆاك دجوكوۆيچ جەڭٸمپاز اتانعان ەدٸ.
