جۋىردا عانا قىزىن ۇزاتقان كەسٸپكەر مۇحتار جەكٸشەۆ ەلەۋمەتتٸك جەلٸدە كٶلەمدٸ جازبا جارييالادى, دەپ حابارلايدى ult.kz.
ول قىزىنىڭ تويىن ابىرويمەن ٶتكٸزٸپ العانىنا قۋانىپ وتىرعانىن جەتكٸزدٸ.
«5 ماۋسىم كٷنٸ قىزىم التىنايدىڭ ۇزاتۋ تويى ٶتتٸ. مەن التىناي ٷشٸن شەكسٸز باقىتتىمىن. بۇل تاڭداۋ كەزدەيسوق نەمەسە اسىعىس جاسالعان جوق. ونىڭ نەگٸزٸندە شىنايى, پەك ماحاببات جاتىر. كارل ەكەۋٸ التى جىلدان بەرٸ تانىس. وسىدان ەكٸ جىل بۇرىن كارل الماتىعا ارنايى كەلٸپ, الدىمنان ٶتتٸ. مەن ٶز باتامدى بەردٸم. كارل ماعان ۇنايدى. ونىڭ ازاماتتىق ۇستانىمى دۇرىس, الدىنا قويعان ماقساتتارى ايقىن ەرٸ اۋقىمدى. ونىڭ ەڭبەكقورلىعىنا, بٸلٸمٸنە جەنە العان بەتٸنەن قايتپايتىن قايسارلىعىنا قاراپ, كٶزدەگەن شىڭدارىن باعىندىراتىنىنا كەمٸل سەنەمٸن. بٸراق مەن ٷشٸن ەڭ ماڭىزدىسى قىزىمدى شىن جٷرەكتەن, تەرەڭ ەرٸ نەزٸك سەزٸممەن سٷيەتٸنٸ.
بۇل تويدىڭ مەنٸ مەن ٷشٸن تىم بٶلەك.
ٷلكەن قىزىم تۇرمىسقا شىققاندا مەن تٷرمەدە وتىردىم. ول كەزدە ەكە رەتٸندە قولىمنان بار كەلگەنٸ ايگەرٸمٸمە ارناعان اق تٸلەگٸمدٸ قاعازعا تٷسٸرٸپ, حاتپەن بەرٸپ جٸبەرۋ عانا بولدى. سول حات تويىندا وقىلدى.
ال بٷگٸن بەرٸ باسقاشا.
قىزىڭنىڭ قۋانىشىندا قاعازداعى قۇرعاق سٶزبەن شەكتەلمەي, سٶزٸ قاعازدان عانا وقىلاتىن ادام بولماۋدىڭ ٶزٸ بٸر عانيبەت. قىزىڭدى ٶزٸڭ ۇزاتىپ, وسىناۋ ٶمٸرلٸك ماڭىزى بار اق بوساعادان اتتار سەتٸندە التىنايىڭا جٷرەكجاردى جىلى سٶزدەرٸڭدٸ ٶزٸڭ ايتا الۋىڭ نەتكەن باقىت!
مەنٸ تۇتقىنداعاندا التىناي نە بارى 9 جاستا عانا ەدٸ. بوستاندىققا شىققانىمدا ول جيىرماعا تولىپتى. ول مەنسٸز ەسەيدٸ.
ول بالا كٷنٸندە-اق, مەنٸ جانۇيامىز ارقىلى كٶرسەتٸلەتٸن قىسىمنان قۇتقارۋ ٷشٸن, تۋعان ٷيٸن تاستاپ جات جەرگە كەتۋگە مەجبٷر بولدى, بٶتەن ەلدە ٶستٸ.
اتا-اناسىنىڭ ايالى الاقانى مەن مەيٸرٸمٸنە بٶلەنٸپ وتىرعان بالانىڭ كەنەتتەن ٷيٸنەن جىراقتاپ, جات تٸلدە سٶيلەيتٸن بٶتەن ادامدار وقيتىن مەكتەپ-ينتەرناتتان بٸر-اق شىققانىن تٷسٸنۋ قيىن. بٸراق ول سىنبادى, بەرٸنە تٶتەپ بەردٸ. مەكتەپتٸ, ارتىنشا ۋنيۆەرسيتەتتٸ بٸتٸردٸ. كەسٸبي جۋرناليست, تابىستى مودەل رەتٸندە تۇلعا بولىپ قالىپتاستى.
ەلەمنٸڭ الپاۋىت كومپانييالارىنىڭ تاڭداۋىنا اينالىپ, جارنامالارىنان كٶرٸنەتٸن قىزىمنىڭ سٷيٸكتٸ ديدارىنا قاراپ, جٷرەگٸم ەلجٸرەيدٸ, كەۋدەمدٸ ماقتانىش كەرنەيدٸ.
قىزىمنىڭ جەتكەن جەتٸستٸكتەرٸن ماقتان تۇتامىن. مەنٸڭ قولداۋىم ناعىز كەرەك بولعان شاقتاردا جانىندا بولا الماعانىما جانىم اۋىرادى.
التىنايدى قۇتتىقتاپ, ونىڭ ٷيلەنۋ تويىنا وراي اق تٸلەگٸن, ادال نيەتٸن بٸلدٸرگەن بارشا جانعا شىن جٷرەكتەن العىس ايتامىن!
ال كەيبٸر قيسىنسىز, ورىنسىز پٸكٸر جازىپ جاتقاندار تەك ايانىش پەن جيٸركەنٸش سەزٸمٸن تۋعىزادى.
ناعىز نامىس كٷيەۋ بالانىڭ ۇلتىمەن ٶلشەنبەيدٸ. نامىس دەگەنٸمٸز سول نامىس ٷشٸن تىم جوعارى باعا تٶلەۋگە تۋرا كەلگەندە, ادامدىق ارىڭ مەن ابىرويىڭدى تازا ساقتاپ قالا الۋىڭمەن ٶلشەنەدٸ. ۇلتتىڭ جامانى بولمايدى. جامان ادامدار بولادى», - دەپ جازدى ول.
