ٷندٸستاندا كٶز جۇمعان 16 جاستاعى سۇڭقار سەبيتتٸڭ ۇرىعىن قازاقستانعا جەتكٸزۋ مەسەلەسٸ قوعامدا قىزۋ تالقىلانۋدا. بۇل تۋرالى جۋرناليست رۋسلان ٶتەپباي مەلٸمدەدٸ, دەپ حابارلايدى ult.kz.
بەلگٸلٸ بولعانداي, قىزىلوردا وبلىسىنىڭ تۇرعىنى سۇڭقار سەبيت اتالىق بەزٸنٸڭ قاتەرلٸ ٸسٸگٸن ەمدەتۋ ٷشٸن اناسىمەن بٸرگە ٷندٸستاننىڭ دەلي قالاسىنا بارعان. دەرٸگەرلەر حيمييالىق تەراپييانى باستاماس بۇرىن ونىڭ بولاشاقتا ەكە اتانۋ مٷمكٸندٸگٸن ساقتاۋ ماقساتىندا ۇرىعىن ارنايى جاعدايدا قاتىرىپ ساقتاعان.
الايدا جاسٶسپٸرٸم قاتەرلٸ ٸسٸكتەن ەمەس, جٷرەگٸندەگٸ ترومبتىڭ جارىلۋى سالدارىنان 20 سەۋٸر كٷنٸ قايتىس بولعان.
قازٸر مارقۇمنىڭ اناسى رايحان مەلٸكوۆا ۇلىنىڭ ۇرىعىن قازاقستانعا الدىرتىپ, ەل اۋماعىندا ساقتاۋدى كٶزدەپ وتىر. ونىڭ ايتۋىنشا, بۇل مەسەلەدە تيٸستٸ قولداۋ قاجەت.
جۋرناليست رۋسلان ٶتەپباي اتالعان مەسەلەنٸ شەشۋ ٷشٸن ٷندٸستانعا اتتانعالى جاتقانىن حابارلادى.
ايتا كەتەيٸك, بۇعان دەيٸن رايحان مەلٸكوۆا ەم ٸزدەۋ بارىسىندا دەلدالداردىڭ قۇربانى بولعانىن ايتىپ, جۇمسالعان قاراجاتقا قاراماستان ۇلىنا تولىققاندى ەم كٶرسەتٸلمەگەنٸن مەلٸمدەگەن ەدٸ. ال سۇڭقار ٷندٸستانعا بارعاننان كەيٸن 12 كٷننەن سوڭ كٶز جۇمعان.
ٶز كەزەگٸندە جاسٶسپٸرٸمنٸڭ ەمدەلۋٸنە كٶمەكتەسكەن «Medical Travel» كومپانيياسىنىڭ ٶكٸلدەرٸ مارقۇمنىڭ اناسىنان ەشقانداي قاراجات الماعاندارىن مەلٸمدەدٸ.
