اۆتوكٶلٸك ساتىپ العاندا كٶپشٸلٸك قوزعالتقىشتىڭ قۋاتىنا, سىرتقى كەلبەتٸنە نەمەسە باعاسىنا نازار اۋدارادى. الايدا تەجٸريبەلٸ اۆتوساراپشىلار ەسكەرەتٸن تاعى بٸر ماڭىزدى فاكتور بار – كٶلٸكتٸڭ ٶتٸمدٸلٸگٸ. ياعني, ونى كەيٸن قايتا ساتۋ قانشالىقتى وڭاي بولادى?
قازاقستاننىڭ قايتالاما اۆتونارىعىندا كەيبٸر مودەلدەر تەحنيكالىق جاعىنان جامان بولماسا دا, ساتىپ الۋشىلار اراسىندا سۇرانىسقا يە ەمەس. مۇنداي كٶلٸكتەر ۋاقىت ٶتكەن سايىن باعاسىن تەز جوعالتىپ, ۇزاق ۋاقىت ساتىلماي تۇرۋى مٷمكٸن. ەسكە سالا كەتەيٸك, بۇعان دەيٸن ەلٸمٸزدەگٸ ەڭ ٶتٸمدٸ كٶلٸكتەر تۋرالى دا جازعان بولاتىنبىز.
اۆتونارىق ماماندارى ٶتٸمدٸلٸگٸ تٶمەن اۆتوموبيلدەردٸ ساتىپ الماس بۇرىن ولاردىڭ ارتىقشىلىقتارى مەن كەمشٸلٸكتەرٸن مۇقييات سارالاۋعا كەڭەس بەرەدٸ.
قىتاي كٶلٸكتەرٸ باعاسىن تەز جوعالتىپ جاتىر
ساراپشىنىڭ ايتۋىنشا, قازٸرگٸ تاڭدا ەڭ كٶپ قۇنسىزدانىپ جاتقان سەگمەنتتەردٸڭ بٸرٸ – قىتايدا شىعارىلعان اۆتوموبيلدەر.
ەسٸرەسە Chery Tiggo 4 Pro, Tiggo 2 Pro جەنە بٸرقاتار باسقا مودەلدەر بۇرىنعى باعاسىمەن سالىستىرعاندا بٸرنەشە ميلليون تەڭگەگە ارزانداعان. بۇرىن 7–9 ميلليون تەڭگەگە ساتىلعان كٶلٸكتەردٸڭ كەيبٸرٸ بٷگٸندە 5–6 ميلليون تەڭگەگە دە ساتىپ الۋشى تابا الماي جٷر.
ماماننىڭ پٸكٸرٸنشە, مۇنداي جاعدايدىڭ بٸرنەشە سەبەبٸ بار:
ەكٸنشٸ نارىقتاعى ۇسىنىستىڭ كٶبەيۋٸ;
ساتىپ الۋشىلاردىڭ سەنٸمٸنٸڭ تولىق قالىپتاسپاۋى;
قوسالقى بٶلشەكتەرگە قاتىستى كٷمەن;
بولاشاقتاعى باعاسىنىڭ بەلگٸسٸزدٸگٸ.
سونىمەن بٸرگە بارلىق قىتايلىق مودەلدەر بٸردەي ەمەس. مىسالى, Changan CS55 نەمەسە JAC J7 سەكٸلدٸ كٶلٸكتەردٸڭ جاعدايى سالىستىرمالى تٷردە جاقسىراق بولعانىمەن, ولاردى دا تەز ەرٸ تيٸمدٸ باعامەن ٶتكٸزۋ وڭاي ەمەس.
جاقسى كٶلٸك بولعانىمەن, سۇرانىسى تٶمەن مودەلدەر بار
نارىقتاعى ٶتٸمدٸلٸك ەردايىم كٶلٸكتٸڭ ساپاسىن بٸلدٸرمەيدٸ.
مىسالى, Lexus IS F Sport جٷرگٸزۋ قاسيەتتەرٸ جاعىنان ٶتە جاقسى باعالانعانىمەن, وعان كٶبٸنە تەك وسى مودەلدٸ ارنايى ٸزدەيتٸن ادامدار عانا قىزىعۋشىلىق تانىتادى.
وسىنداي جاعداي Volvo كٶلٸكتەرٸنە دە تەن.
ساراپشى بۇل ماركانىڭ قاۋٸپسٸزدٸگٸ جوعارى, جابدىقتالۋى باي ەكەنٸن ايتقانىمەن, قازاقستاندا وعان دەگەن سۇرانىس تٶمەن ەكەنٸن اتاپ ٶتتٸ. ەسٸرەسە قىتايدا قۇراستىرىلعان Volvo مودەلدەرٸ ساتىپ الۋشىلار اراسىندا اسا تانىمال ەمەس. بۇعان قوسالقى بٶلشەكتەردٸڭ ازدىعى مەن قىزمەت كٶرسەتۋ شىعىندارى ەسەر ەتەدٸ.
كەيبٸر ەۋروپالىق كٶلٸك مودەلدەرٸنٸڭ ەلسٸز تۇستارى
Volkswagen Passat پەن Golf مودەلدەرٸ دە ٶتٸمدٸلٸگٸ تٶمەن كٶلٸكتەر قاتارىنا ەنگٸزٸلگەن.
ەسٸرەسە 2012 جىلعا دەيٸن شىعارىلعان Passat ٷلگٸلەرٸندە قوزعالتقىشتاعى ماي شىعىنىنىڭ كٶپ بولۋى جەنە گاز تاراتۋ تٸزبەگٸنٸڭ سوزىلۋى سيياقتى اقاۋلار جيٸ كەزدەسەدٸ.
سونىمەن قاتار Volkswagen ماركاسىنىڭ تەحنيكالىق قىزمەت كٶرسەتۋٸ مەن قوسالقى بٶلشەكتەرٸ باسقا برەندتەرمەن سالىستىرعاندا قىمباتقا تٷسەدٸ. بۇل فاكتورلار ولاردىڭ ەكٸنشٸ نارىقتاعى سۇرانىسىن تٶمەندەتەدٸ.
ال Golf-تىڭ بەسٸنشٸ بۋىنى سەنٸمدٸلٸگٸ جاعىنان سەتسٸز مودەلدەردٸڭ بٸرٸ رەتٸندە باعالانىپ وتىر. سوندىقتان ساتىپ الۋشىلار بۇل كٶلٸكتەرگە ساقتىقپەن قارايدى.
قوسالقى بٶلشەك مەسەلەسٸ ساتىپ الۋشىنى شوشىتادى
ٶتٸمدٸلٸگٸ تٶمەن كٶلٸكتەردٸڭ تاعى بٸر ٷلكەن مەسەلەسٸ – قوسالقى بٶلشەكتەر.
Chevrolet Captiva, Suzuki, Lifan نەمەسە بۇرىنعى قىتايلىق برەندتەردٸڭ كەيبٸر مودەلدەرٸنە قاجەتتٸ بٶلشەكتەردٸ ەسٸرەسە ٶڭٸرلەردەن تابۋ قيىن.
ساراپشىنىڭ ايتۋىنشا, الماتى سەكٸلدٸ ٸرٸ قالالاردا قاجەتتٸ بٶلشەكتەر كەزدەسكەنٸمەن, وبلىستاردا جٶندەۋ جۇمىستارى ەلدەقايدا كٷردەلٸ بولۋى مٷمكٸن.
ساتىپ الۋشىلاردىڭ باسىم بٶلٸگٸ دەل وسى سەبەپتەن مۇنداي كٶلٸكتەردەن باس تارتادى.
ەسكٸ كٶلٸكتەرگە سۇرانىس جىلدان-جىلعا ازايىپ كەلەدٸ
اۆتونارىقتاعى تاعى بٸر بايقالعان ٷردٸس – ەسكٸ كٶلٸكتەردٸڭ ٶتٸمدٸلٸگٸنٸڭ تٶمەندەۋٸ.
بۇرىن سۇرانىسقا يە بولعان Mercedes-Benz, Mazda, Subaru, Nissan Primera جەنە باسقا دا كٶپتەگەن مودەللەر بٷگٸندە ايلاپ ساتىلماي تۇرۋى مٷمكٸن.
مۇنىڭ باستى سەبەبٸ – ساتىپ الۋشىلاردىڭ نەسيەگە بولسا دا جاڭا اۆتوموبيل الۋعا ۇمتىلۋى.
قازٸرگٸ تاڭدا كٶپشٸلٸك قولجەتٸمدٸ جاڭا Chevrolet Cobalt, Hyundai, Kia نەمەسە قىتايدىڭ جاڭا مودەلدەرٸن تاڭداعاندى جٶن كٶرەدٸ. سوندىقتان جاسى جيىرما جىلدان اسقان كٶلٸكتەردٸڭ نارىقتاعى باعاسى تۇراقتى تٷردە تٶمەندەپ كەلەدٸ.
ساراپشى قانداي كٶلٸكتەردٸ تاڭداۋعا كەڭەس بەرەدٸ?
اۆتوماماننىڭ پٸكٸرٸنشە, اۆتوموبيل ساتىپ العاندا بولاشاقتاعى ساتىلىمدى دا الدىن الا ويلاعان جٶن.
ەگەر كٶلٸك ۇزاق جىل پايدالانۋعا الىنباسا, ٶتٸمدٸلٸگٸ جوعارى مودەلدەر ەلدەقايدا تيٸمدٸ بولادى.
مامان ەڭ الدىمەن نارىقتا سۇرانىسى تۇراقتى برەندتەرگە نازار اۋدارۋعا كەڭەس بەرەدٸ. ونىڭ ٸشٸندە:
Toyota;
Hyundai;
Kia;
كەڭ تارالعان ەرٸ سەنٸمدٸ مودەلدەر.
ال ٶتٸمدٸلٸگٸ تٶمەن كٶلٸكتەردٸ تەك ولاردى ۇزاق ۋاقىت پايدالانۋدى جوسپارلاعان جەنە تەحنيكالىق قىزمەت كٶرسەتۋ شىعىندارىنا دايىن ادامدار عانا قاراستىرعانى دۇرىس.
ٶيتكەنٸ مۇنداي اۆتوموبيلدەردٸڭ نەگٸزگٸ كەمشٸلٸگٸ – كەيٸن ساتۋ كەزٸندە ايتارلىقتاي قارجىلىق شىعىنعا ۇشىراۋ قاۋپٸ جوعارى.
