استاناداعى «Qyran» تۇرعىن ٷي كەشەنٸندەگٸ جىلجىمايتىن مٷلٸكتٸ ساتۋ كەزٸندەگٸ الاياقتىق ٸس بويىنشا تٶرت ادام سوتتالدى. «International Invest Company IIC» جشس-نٸڭ تٶرت قىزمەتكەرٸ كٸنەلٸ دەپ تانىلىپ, 8 جىلدان 9 جىلعا دەيٸن باس بوستاندىعىنان ايىرىلدى, دەپ حابارلايدى ult.kz.
قارجىلىق مونيتورينگ اگەنتتٸگٸنٸڭ استانا قالاسى بويىنشا دەپارتامەنتٸ جٷرگٸزگەن تەرگەۋ بارىسىندا سوتتالعانداردىڭ ساتىپ الۋ-ساتۋ شارتتارىنىڭ ورنىنا زاڭ بويىنشا مەنشٸك قۇقىعىن بەرمەيتٸن برونداۋ شارتتارىن, كەپٸلاقى تۋرالى كەلٸسٸمدەر مەن الدىن الا شارتتاردى رەسٸمدەگەنٸ انىقتالدى.
كٷدٸكتٸلەر ساتۋ كەڭسەسٸندە ەلەۋەتتٸ ساتىپ الۋشىلارعا پەتەرلەردٸڭ ماكەتتەرٸن, تەحنيكالىق پاسپورتتارىن, سەنٸمحاتتار مەن كومپانييانىڭ جىلجىمايتىن مٷلٸككە قۇقىعىن راستايتىنداي انىقتامالاردى كٶرسەتكەن. وسىلايشا ازاماتتاردى مەمٸلەنٸڭ زاڭدى ەكەنٸنە سەندٸرٸپ, پەتەرلەردٸ, كوممەرتسييالىق نىسانداردى جەنە اۆتوتۇراقتاردى نارىق باعاسىنان تٶمەن باعامەن ساتىپ الۋدى ۇسىنعان.
جەبٸرلەنۋشٸلەر اقشانى قولما-قول بەرگەن نەمەسە الاياقتىق سىزباعا قاتىسۋشىلاردىڭ جەكە شوتتارىنا اۋدارعان. بۇل قارجى «International Invest Company IIC» جشس-نٸڭ بۋحگالتەرلٸك جەنە بانكتٸك قۇجاتتارىندا كٶرسەتٸلمەگەن.
سونىمەن قاتار سوتتالعاندار قۇرىلىس سالۋشى كومپانييانىڭ قاراجاتىن يەمدەنۋگە باعىتتالعان ەكٸنشٸ الاياقتىق سىزبانى ٸسكە اسىرعان. ولار كومپانييا اتىنان كليەنتتەرمەن جالعان ساتىپ الۋ-ساتۋ شارتتارىن جاساپ, جىلجىمايتىن مٷلٸككە مەنشٸك قۇقىعىن تٸركەگەنٸمەن, ساتۋدان تٷسكەن اقشانى كەسٸپورىننىڭ كاسساسىنا ٶتكٸزبەگەن.
قارجىلىق مونيتورينگ اگەنتتٸگٸنٸڭ رەسمي ٶكٸلٸ ەرنار تايجاننىڭ ايتۋىنشا, سوت 35 جەبٸرلەنۋشٸنٸڭ جالپى سوماسى 2,2 ملرد تەڭگەدەن اساتىن تالاپتارىن قاناعاتتاندىرعان.
سونداي-اق «International Invest Company» جشس پايداسىنا 3,9 ملرد تەڭگە ٶندٸرٸپ الۋ تۋرالى شەشٸم شىعارىلدى. جەبٸرلەنۋشٸلەرگە جالپى قۇنى 1,3 ملرد تەڭگە بولاتىن 78 جىلجىمايتىن مٷلٸك نىسانى بەرٸلدٸ. بۇدان بٶلەك, تاعى 73 نىسان ادال نيەتتٸ ساتىپ الۋشىلارعا بەرٸلگەن.
ٷكٸم ەزٸرگە زاڭدى كٷشٸنە ەنگەن جوق.
بۇعان دەيٸن استانا پروكۋراتۋراسى «Qyran» تۇرعىن ٷي كەشەنٸنە قاتىستى ٸستٸڭ سوتقا جولدانعانىن حابارلاعان بولاتىن.
