قوستاناي وبلىسىنىڭ ەۋليەكٶل اۋدانىندا كەسٸپكەرلٸك باستامانى جٷزەگە اسىرۋ ٷشٸن بەرٸلگەن 1,38 ملن تەڭگە كٶلەمٸندەگٸ مەملەكەتتٸك گرانت بيۋدجەتكە قايتارىلدى, دەپ حابارلايدى ult.kz.
بۇل تۋرالى اۋدان پروكۋراتۋراسى حابارلادى.
پروكۋرورلىق تالداۋ بارىسىندا 2023 جىلى ازاماتقا كەسٸپكەرلٸك جوبانى ٸسكە اسىرۋ ٷشٸن 1 380 000 تەڭگە كٶلەمٸندە مەملەكەتتٸك گرانت بەرٸلگەنٸ انىقتالعان. الايدا گرانت قاراجاتىنا ساتىپ الىنعان جابدىق مەلٸمدەلگەن ماقساتتا پايدالانىلماعان.
سونىمەن قاتار جابدىقتىڭ تەحنيكالىق سيپاتتامالارى ەسەپتٸك قۇجاتتاردا كٶرسەتٸلگەن مەلٸمەتتەرگە سەيكەس كەلمەگەن.
وسىعان بايلانىستى پروكۋراتۋرا ماتەريالدارى نەگٸزٸندە الاياقتىق بەلگٸلەرٸ بويىنشا سوتقا دەيٸنگٸ تەرگەپ-تەكسەرۋ باستالدى.
تەرگەۋ كەزٸندە گرانت الۋشى مەملەكەتكە كەلتٸرٸلگەن زالالدى تولىق ٶتەپ, 1,38 ملن تەڭگەنٸ بيۋدجەتكە ٶز ەركٸمەن قايتارعان.
ونىڭ كٸنەسٸن مويىنداۋى, زالالدى ەرٸكتٸ تٷردە ٶتەۋٸ جەنە زاڭنامادا كٶزدەلگەن ٶزگە دە مەن-جايلار ەسكەرٸلٸپ, قىلمىستىق ٸس اقتالمايتىن نەگٸزدەر بويىنشا توقتاتىلدى.
پروكۋراتۋرا مەملەكەتتٸك گرانتتاردىڭ ناقتى بيزنەس-جوبالاردى جٷزەگە اسىرۋ ٷشٸن بەرٸلەتٸنٸن ەسكە سالدى. بيۋدجەت قاراجاتىن ماقساتسىز پايدالانۋ زاڭناماعا سەيكەس جاۋاپكەرشٸلٸككە ەكەپ سوعادى.
