Qostanai oblysynyń Áýliekól aýdanynda kásipkerlik bastamany júzege asyrý úshin berilgen 1,38 mln teńge kólemindegi memlekettik grant biýdjetke qaitaryldy, dep habarlaidy ult.kz.
Bul týraly aýdan prokýratýrasy habarlady.
Prokýrorlyq taldaý barysynda 2023 jyly azamatqa kásipkerlik jobany iske asyrý úshin 1 380 000 teńge kóleminde memlekettik grant berilgeni anyqtalǵan. Alaida grant qarajatyna satyp alynǵan jabdyq málimdelgen maqsatta paidalanylmaǵan.
Sonymen qatar jabdyqtyń tehnikalyq sipattamalary eseptik qujattarda kórsetilgen málimetterge sáikes kelmegen.
Osyǵan bailanysty prokýratýra materialdary negizinde alaiaqtyq belgileri boiynsha sotqa deiingi tergep-tekserý bastaldy.
Tergeý kezinde grant alýshy memleketke keltirilgen zalaldy tolyq ótep, 1,38 mln teńgeni biýdjetke óz erkimen qaitarǵan.
Onyń kinásin moiyndaýy, zalaldy erikti túrde óteýi jáne zańnamada kózdelgen ózge de mán-jailar eskerilip, qylmystyq is aqtalmaityn negizder boiynsha toqtatyldy.
Prokýratýra memlekettik granttardyń naqty biznes-jobalardy júzege asyrý úshin beriletinin eske saldy. Biýdjet qarajatyn maqsatsyz paidalaný zańnamaǵa sáikes jaýapkershilikke ákep soǵady.
