قازاقستاندا الاياقتار قارجىلىق مونيتورينگ اگەنتتٸگٸنٸڭ (قما) اتىن جامىلىپ, ازاماتتاردىڭ جەكە جەنە بانك دەرەكتەرٸن قولعا تٷسٸرۋگە تىرىسۋدا, دەپ حابارلايدى ult.kz.
قما-عا مەملەكەتتٸك ورگانداردىڭ بٸرٸنە اگەنتتٸك اتىنان جٸبەرٸلگەن كەزەكتٸ جالعان حات تۋرالى اقپارات تٷسكەن. قۇجاتتا قاسكٶيلەر بەلگٸلٸ بٸر ازاماتقا قاتىستى تەكسەرۋ جٷرگٸزٸلٸپ جاتقانىن العا تارتىپ, ونىڭ مٸنەزدەمەسٸ مەن ٶزگە دە جەكە مەلٸمەتتەرٸن سۇراتقان.
اگەنتتٸك مۇنداي الاياقتىق ەرەكەتتەردٸڭ بۇعان دەيٸن دە تٸركەلگەنٸن ەسكەرتتٸ. قاسكٶيلەر ەۋەلٸ قما اتىنان ەزٸرلەنگەن جالعان رەسمي حات جولداپ, كەيٸن تەلەفون نەمەسە مەسسەندجەر ارقىلى حابارلاسادى. ٶزدەرٸن اگەنتتٸك قىزمەتكەرٸ رەتٸندە تانىستىرعان ولار ازاماتتاردىڭ جەكە جەنە بانك دەرەكتەرٸن الۋعا نەمەسە اقشا اۋدارۋدى تالاپ ەتۋگە تىرىسقان.
قما ازاماتتاردى مۇنداي حابارلامالارعا ساقتىقپەن قاراۋعا شاقىردى. اگەنتتٸك قىزمەتكەرلەرٸ تەلەفون ارقىلى بانك شوتىنىڭ دەرەكتەرٸن بەرۋدٸ نەمەسە اقشا اۋدارۋدى تالاپ ەتپەيدٸ.
سونداي-اق قۇجاتتا مەملەكەتتٸك ورگاننىڭ لوگوتيپٸ, مٶرٸ نەمەسە قولتاڭباسىنىڭ بولۋى ونىڭ شىنايى ەكەنٸنە كەپٸلدٸك بەرمەيدٸ.
كٷمەندٸ حات العان جاعدايدا ونىڭ تٷپنۇسقالىعىن قما-نىڭ رەسمي بايلانىس ارنالارى ارقىلى تەكسەرۋ قاجەت. بەيتانىس ادامدارعا جەكە جەنە بانك دەرەكتەرٸن بەرمەي, ولاردىڭ نۇسقاۋىمەن اقشا اۋدارۋعا بولمايدى.
كٷمەن تۋىنداعان جاعدايدا قما-نىڭ 1458 Call-ورتالىعىنا نەمەسە +7 (7172) 70-84-79 نٶمٸرٸ ارقىلى كەزەكشٸ بٶلٸمگە حابارلاسۋعا بولادى.
ايتا كەتەيٸك, بۇعان دەيٸن تٷركٸستاندا ٶزٸن قما قىزمەتكەرلەرٸ رەتٸندە تانىستىرعان الاياقتاردىڭ ازاماتتان 15 ملن تەڭگە بوپسالاعانى حابارلانعان بولاتىن.
