«قازگيدرومەت» رمك 2026 جىلعا ارنالعان كٷزدٸك بيدايدىڭ ٶنٸمدٸلٸگٸ بويىنشا ناقتىلانعان بولجامىن جارييالادى. ەسەپتٸك دەرەكتەرگە سەيكەس, قالىپتاسقان اگرومەتەورولوگييالىق جاعدايلار مەن الداعى كەزەڭگە ارنالعان اۋا رايى بولجامىن ەسكەرە وتىرىپ, ەلٸمٸزدٸڭ وڭتٷستٸك ٶڭٸرلەرٸندە كٷزدٸك بيداي ٶنٸمدٸلٸگٸ نەگٸزٸنەن كٶپجىلدىق ورتاشا كٶرسەتكٸشتەر دەڭگەيٸندە بولادى دەپ كٷتٸلۋدە, دەپ حابارلايدى ult.kz.
مامانداردىڭ مەلٸمەتٸنشە, الماتى وبلىسىندا كٷزدٸك بيداي ٶنٸمدٸلٸگٸ ٸلە اۋدانىندا 10,5–12,5 تسەنتنەر/گەكتار بولسا, ەڭبەكشٸقازاق اۋدانىندا 22,8–24,8 تسەنتنەر/گەكتارعا دەيٸن جەتۋٸ مٷمكٸن.
جامبىل وبلىسىندا ٶنٸمدٸلٸك كٶرسەتكٸشتەرٸ تالاس جەنە سارىسۋ اۋداندارىندا 11,2–13,3 تسەنتنەر/گەكتار كٶلەمٸندە بولجانسا, شۋ اۋدانىندا 15,8–17,8 تسەنتنەر/گەكتار دەڭگەيٸندە بولادى دەپ كٷتٸلۋدە.
جەتٸسۋ وبلىسىندا ەڭ تٶمەنگٸ ٶنٸمدٸلٸك كەربۇلاق اۋدانىندا 15,8–17,8 تسەنتنەر/گەكتار شاماسىندا بولسا, تالدىقورعان قالاسىندا 21,3–23,3 تسەنتنەر/گەكتارعا دەيٸن جەتەدٸ دەگەن بولجام جاسالعان.
ال تٷركٸستان وبلىسىندا قازىعۇرت اۋدانى ەرەكشە نەتيجە كٶرسەتەدٸ دەپ كٷتٸلۋدە. بۇل ٶڭٸردە كٷزدٸك بيداي ٶنٸمدٸلٸگٸ كٶپجىلدىق نورمادان جوعارى بولىپ, 21,7–23,7 تسەنتنەر/گەكتار دەڭگەيٸندە قالىپتاسۋى مٷمكٸن. وبلىستىڭ ٶزگە اۋماقتارىندا ٶنٸمدٸلٸك ورتاشا كٶپجىلدىق مەندەر شەگٸندە بولادى. اتاپ ايتقاندا, سارىاعاش جەنە ارىس اۋداندارىندا 11,7–13,8 تسەنتنەر/گەكتار بولسا, ماقتاارال اۋدانىندا 29,8–30,8 تسەنتنەر/گەكتارعا دەيٸن جەتەدٸ دەپ بولجانۋدا.
«قازگيدرومەت» مەلٸمەتٸنشە, وڭتٷستٸك ٶڭٸرلەر اۋداندارى بويىنشا تولىق ٶنٸمدٸلٸك بولجامىمەن مەكەمەنٸڭ رەسمي سايتىندا جەنە فەرمەرلەرگە ارنالعان AgroData قوسىمشاسىندا تانىسۋعا بولادى.
