2026 جىلدىڭ بٸرٸنشٸ توقسانىنىڭ قورىتىندىسى بويىنشا قازاقستانعا 3 ملن شەتەلدٸك ساياحاتشى كەلدٸ, ال شەتەلگە شىققان قازاقستان ازاماتتارىنىڭ سانى 2,47 ملن ادامدى قۇرادى (2025 جىلدىڭ قورىتىندىسى بويىنشا قازاقستانعا 15,7 ملن شەتەلدٸك كەلگەن, بۇل 2024 جىلمەن سالىستىرعاندا 3,1% كٶپ), دەپ حابارلايدى ult.kz.
شەتەلدٸك قوناقتاردىڭ نەگٸزگٸ اعىنىن دەستٷرلٸ تٷردە كٶرشٸلەس ەلدەر قالىپتاستىرادى. ەڭ كٶپ كەلۋشٸ ٶزبەكستاننان – 1,1 ملن ادام. ودان كەيٸن قىرعىزستان – 723,5 مىڭ ادام جەنە رەسەي – 564,7 مىڭ ادام.
سونىمەن قاتار ەلدٸڭ تۋريستٸك ينفراقۇرىلىمى دا دامۋىن جالعاستىرۋدا. 2026 جىلعى 1 سەۋٸردەگٸ جاعداي بويىنشا قازاقستاندا قوناقٷيلەردٸ, دەمالىس بازالارىن جەنە باسقا دا ورنالاستىرۋ نىساندارىن قوسا العاندا, 4 505 ورنالاستىرۋ نىسانى جۇمىس ٸستەدٸ. بٸر جىل ٸشٸندە ولاردىڭ سانى 192-گە ارتتى.
2026 جىلدىڭ قاڭتار-ناۋرىز ايلارىندا ورنالاستىرۋ ورىندارىندا 2 ملن قوناق توقتادى, ونىڭ ٸشٸندە 802 مىڭنان استام ادام قازاقستاننىڭ كۋرورتتىق ايماقتارىن تاڭدادى.
ەڭ تانىمال كۋرورتتىق باعىتتار:
- الماتى تاۋ كلاستەرٸ – 509,3 مىڭ كەلۋشٸ;
- ششۋچينسكو-بۋراباي كۋرورتتىق ايماعى – 116,7 مىڭ ادام;
- ماڭعىستاۋ كۋرورتتىق ايماعى – 53,3 مىڭ ادام;
- تٷركٸستان تۋريستٸك ايماعى – 39,4 مىڭ ادام;
- التاي كۋرورتتىق ايماعى – 30,3 مىڭ ادام.
2026 جىلدىڭ بٸرٸنشٸ توقسانىندا ورنالاستىرۋ ورىندارى كٶرسەتكەن قىزمەتتەردٸڭ كٶلەمٸ 69,4 ملرد تەڭگەگە جەتٸپ, ٶتكەن جىلدىڭ سەيكەس كەزەڭٸمەن سالىستىرعاندا 13,9% ارتتى.
قازاقستاندا قوناقٷي سەكتورى دا دامۋىن جالعاستىرۋدا. بٷگٸندە ەلدە 23 بەس جۇلدىزدى, 45 تٶرت جۇلدىزدى جەنە 26 ٷش جۇلدىزدى قوناقٷي جۇمىس ٸستەيدٸ.
