قازاقستانعا كٸرۋگە بەس جىلعا تىيىم سالىنعان ٶزبەكستان ازاماتى ەلگە اتپەن زاڭسىز ٶتٸپ, اتىراۋدا ينتيمدٸك قىزمەت كٶرسەتكەن, دەپ حابارلايدى ult.kz.
Halyqstan Telegram ارناسىنىڭ جازۋىنشا, 26 جاستاعى ەيەل بۇعان دەيٸن اتىراۋدا تۇرىپ, اقىلى ينتيمدٸك قىزمەت كٶرسەتكەنٸ ٷشٸن 2025 جىلدىڭ تامىزىندا قازاقستاننان شىعارىلعان. وعان بەس جىل بويى ەلگە كٸرۋگە تىيىم سالىنعان.
كەيٸن بٸشكەكتە جٷرگەندە قازاقستانعا زاڭسىز كٸرۋگە كٶمەكتەسەتٸن اداممەن تانىسىپ, وعان 900 مىڭ تەڭگە تٶلەگەن. ەيەل شەكارانى رەسمي ٶتكٸزۋ بەكەتٸن اينالىپ ٶتٸپ, اتپەن كەسٸپ ٶتكەن.
اتىراۋعا جەتكەن سوڭ ول قايتادان پەتەر جالداپ, قىزمەتٸن جالعاستىرعان. الايدا ونى ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ ۇستاپ, قىلمىستىق ٸس قوزعالدى.
سوتتا ەيەل كٸنەسٸن مويىنداپ, ەلگە قايتا ورالۋىنا ماتەريالدىق قيىندىق سەبەپ بولعانىن ايتتى.
سوت شەشٸمٸمەن وعان 1 جىل 6 اي باس بوستاندىعىنان ايىرۋ جازاسى تاعايىندالدى. جازاسىن ٶتەگەننەن كەيٸن ول قازاقستاننان شىعارىلىپ, ەلگە تاعى بەس جىل كٸرۋگە تىيىم سالىنادى.
