قازاقستاندا لومباردتار قىزمەتٸنەن تٷسەتٸن تابىس رەكوردتىق دەڭگەيگە جەتتٸ. سونىمەن قاتار تۇرعىنداردىڭ لومباردتار الدىنداعى قارىزى 481,3 ملرد تەڭگەگە دەيٸن ٶستٸ, دەپ حابارلايدى ult.kz Finprom.kz سايتىنا سٸلتەمە جاساپ.
Finprom.kz دەرەكتەرٸنە سەيكەس, 2026 جىلدىڭ بٸرٸنشٸ توقسانىندا ەلدەگٸ لومباردتاردىڭ جيىنتىق تازا پايداسى 54,7 ملرد تەڭگەنٸ قۇراعان. بۇل ٶتكەن جىلدىڭ وسى كەزەڭٸمەن سالىستىرعاندا 2,2 ەسە كٶپ.
ال 2024 جىلدىڭ باسىمەن سالىستىرعاندا لومباردتاردىڭ تابىسى التى ەسەدەن استام ٶسكەن. سول كەزدە سەكتوردىڭ تازا پايداسى 8,7 ملرد تەڭگە بولعان.
ەڭ كٶپ تابىس تاپقان لومباردتار
ەلدە جۇمىس ٸستەپ تۇرعان 466 لومباردتىڭ 337-سٸ بٸرٸنشٸ توقساندى پايدامەن اياقتاعان.
ەڭ جوعارى تابىس تاپقان ۇيىمدار:
- «م-لومبارد» – 12,9 ملرد تەڭگە;
- «مك-لومبارد» – 10,5 ملرد تەڭگە;
- «مك-زولوتو لومبارد» – 9,7 ملرد تەڭگە.
سونداي-اق GoldFinMarket پەن «تريلليونەر لومبارد» كومپانييالارىنىڭ تازا پايداسى بٸر جىل ٸشٸندە 17 ەسەگە دەيٸن ارتقان.
ال 85 لومبارد شىعىنعا ۇشىراعان. ەڭ ٸرٸ شىعىن «لومبارد €lit الماتى» (134,1 ملن تەڭگە) مەن «موست-لومباردتا» (120,3 ملن تەڭگە) تٸركەلگەن.
قازاقستاندىقتاردىڭ قارىزى كٶبەيٸپ جاتىر
ساراپشىلاردىڭ مەلٸمەتٸنشە, 2026 جىلدىڭ ناۋرىز ايىنىڭ سوڭىندا قازاقستاندىقتاردىڭ لومباردتار الدىنداعى نەگٸزگٸ بەرەشەگٸ 481,3 ملرد تەڭگەگە جەتكەن.
بٸر جىل ٸشٸندە لومباردتاردىڭ نەسيە پورتفەلٸ 63 پايىزعا ٶسسە, سوڭعى ەكٸ جىلدا ەكٸ ەسەدەن استام ۇلعايعان.
مەرزٸمٸ ٶتكەن قارىزدار
سوعان قاراماستان, تٶلەم مەرزٸمٸ 90 كٷننەن اسقان پروبلەمالىق قارىزداردىڭ ٷلەسٸ جالپى نارىقتا 2,1 پايىزعا دەيٸن تٶمەندەگەن.
الايدا نارىق كٶلەمٸنٸڭ ۇلعايۋىنا بايلانىستى مەرزٸمٸ ٶتكەن بەرەشەكتٸڭ اقشالاي كٶلەمٸ 10,2 ملرد تەڭگەگە دەيٸن ٶسكەن.
كەيبٸر لومباردتاردا قايتارىلماعان نەسيەلەردٸڭ ٷلەسٸ ٶتە جوعارى. مەسەلەن, «ەسيل-مك لومبارد» پەن Bravo Lombard-تا مەرزٸمٸ ٶتكەن قارىزداردىڭ ٷلەسٸ 100 پايىزدى قۇراسا, «تەح.لومباردتا» – 90,3 پايىز, ال Auto money جەلٸسٸندە – 32,1 پايىز بولعان.
ساراپشىلار مۇنداي جوعارى كٶرسەتكٸشتەر كٶبٸنە شاعىن كومپانييالاردا كەزدەسەتٸنٸن, ٶيتكەنٸ بٸرنەشە كليەنتتٸڭ قارىزدى قايتارماۋى جالپى ستاتيستيكاعا ايتارلىقتاي ەسەر ەتەتٸنٸن اتاپ ٶتتٸ.
