يتالييانىڭ مونتەسيلۆانو قالاسىندا شاحماتتان U14, U16 جەنە U18 جاس ساناتتارى بويىنشا 2026 جىلعى جاستار اراسىنداعى ەلەم چەمپيوناتى باستالدى. تۋرنيرگە 87 ەل مەن اۋماقتان 790 جاس شاحماتشى جينالدى, دەپ حابارلايدى Ult.kz.
جارىس 15-26 ماۋسىم ارالىعىندا شۆەيتسارييالىق جٷيە بويىنشا 11 تۋردان تۇرادى جەنە كلاسسيكالىق ۋاقىت باقىلاۋىمەن ٶتەدٸ. قازاقستاندىق شاحماتشىلار قىزدار مەن ۇلدار اراسىندا 14, 16 جەنە 18 جاسقا دەيٸنگٸ بارلىق جاس ساناتتارىندا باق سىناپ جاتىر.
العاشقى پارتييالار قارساڭىندا قازاقستان قۇراماسىنىڭ بٸرقاتار قاتىسۋشىلارى چەمپيوناتتان كٷتەتٸن ٷمٸتتەرٸمەن بٶلٸستٸ.
«جاس شاحماتشىلار ٷشٸن بۇل تۋرنير تەك نەتيجە تۇرعىسىنان عانا ماڭىزدى ەمەس. بۇل ەلەمنٸڭ ەڭ مىقتى قۇرداستارىمەن ويناپ, ٶز دايىندىق دەڭگەيٸڭدٸ تەكسەرۋگە جەنە قۇندى حالىقارالىق تەجٸريبە جيناۋعا مٷمكٸندٸك بەرەدٸ. مەن جاقسى دايىندالدىم جەنە مٷمكٸندٸگٸم جوعارى دەپ ويلايمىن», — دەدٸ ەيەلدەر اراسىنداعى فيدە شەبەرٸ, قازاقستان رەسپۋبليكاسىنىڭ بەس دٷركٸن چەمپيونى جەنە ەلەمنٸڭ ٷش دٷركٸن چەمپيونى, 15 جاستاعى ايارۋ التىنبەك.
ٶز ويىمەن قازاقستان تاريحىنداعى ەڭ جاس گروسسمەيستەر جەنە 16 جاسقا دەيٸنگٸ ەلەم چەمپيونى ەدگار مامەدوۆ تە بٶلٸستٸ. مونتەسيلۆانودا ول 18 جاسقا دەيٸنگٸ ساناتتا, ٶزٸنەن ٷلكەن قارسىلاستارمەن ويناپ جاتىر.
«تۋرنير وڭاي بولمايدى: بارلىق قارسىلاستار ٶتە مىقتى, سوندىقتان ەر پارتيياعا بارىنشا جاۋاپكەرشٸلٸكپەن قاراۋ كەرەك. لايىقتى ٶنەر كٶرسەتٸپ, ٷلكەن تەجٸريبە جيناپ, ەدەمٸ ويىن كٶرسەتەمٸن دەپ ٷمٸتتەنەمٸن. وسى تۋرنيرگە قاتىسۋعا مٷمكٸندٸك بەرگەنٸ ٷشٸن قازاقستان شاحمات فەدەراتسيياسىنا ٷلكەن العىسىمدى بٸلدٸرەمٸن», — دەدٸ جاس شاحماتشى.
يتالييالىق حالىقارالىق تٶرەشٸ ماركو بيادجوليدٸڭ ايتۋىنشا, قازاقستاندىق دەلەگاتسييا تۋرنيردەگٸ ەڭ كٶپ قاتىسۋشىسى بار كوماندالاردىڭ قاتارىنا كٸرەدٸ. ونىڭ سٶزٸنشە, مۇنداي ٶكٸلدٸك قازاقستاندا شاحماتقا دەگەن قىزىعۋشىلىقتىڭ جوعارى ەكەنٸن كٶرسەتەدٸ.
«قاتىسۋشىلار سانى بويىنشا يتالييا, اقش جەنە قازاقستان الدىڭعى قاتاردا. مەنٸڭ ويىمشا, بۇل شاحماتتىڭ قازاقستاندا ماڭىزدى ورىن الاتىنىن كٶرسەتەدٸ. قازاقستاندىق شاحماتشىلاردىڭ مىقتى ٶنەر كٶرسەتۋٸن كٷتەمٸن جەنە ولاردان كٶپ مەدال كٶرەمٸن دەپ ٷمٸتتەنەمٸن», — دەدٸ حالىقارالىق تٶرەشٸ.
جاس سپورتشىلاردىڭ اتا-انالارى ٷشٸن مۇنداي جارىستارعا قاتىسۋ دا ٷلكەن سىناق.
«بالاڭ ەلەمنٸڭ تٷكپٸر-تٷكپٸرٸنەن كەلگەن قارسىلاستارمەن تاقتا باسىنا وتىرعاندا, بۇل بٸر مەزەتتە ەرٸ ٷلكەن ماقتانىش, ەرٸ تولقۋ. ەر جەڭٸستٸڭ ارتىندا وراسان ەڭبەك تۇر: ەرتە تۇرۋ, كٷندەلٸكتٸ جاتتىعۋ, پارتييالاردى تٷنگە دەيٸن تالداۋ. بالالارىمىزعا سەنەتٸن, ولاردىڭ ٶسۋٸنە كٶمەكتەسەتٸن ادامدار مەن ۇيىمداردىڭ جانىمىزدا بولعانىنا ريزامىز», — دەدٸ شاحماتشى ايارۋ التىنبەكتٸڭ اناسى ينديرا بايتەميروۆا.
نەگٸزگٸ تۋرنيردەن بٶلەك, 16 ماۋسىمدا مونتەسيلۆانودا U14, U16 جەنە U18 ساناتتارى بويىنشا شاحمات ەسەپتەرٸن شەشۋدەن 2-شٸ جاستار اراسىنداعى ەلەم چەمپيوناتى ٶتەدٸ. قاتىسۋشىلارعا 90 مينۋت بەرٸلەدٸ, ال ەر جاس ساناتىنداعى ٷزدٸك ۇلدار مەن قىزدار جەكە انىقتالادى.
