قازاقستاندىق بلوگەر مادينا ماماداليەۆا, ەلەۋمەتتٸك جەلٸدە @_m_a_d_l_e_n اتىمەن تانىمال, يتاليياعا ساپارى كەزٸندە چەمودانىنان ايىرىلعانىن ايتتى, دەپ حابارلايدى ult.kz.
بلوگەر ۆەنەتسيياعا پويىزبەن, بيزنەس-كلاستا بارا جاتقان. ونىڭ ايتۋىنشا, Louis Vuitton چەمودانى دەل ٶز ورىندىعىنىڭ ٷستٸندەگٸ باگاج سٶرەسٸندە تۇرعان. ول تەلەفونعا الاڭداپ وتىرعان سەتتە بەلگٸسٸز بٸرەۋ چەموداندى الىپ كەتكەن.
چەموداننىڭ ٸشٸندە قىمبات كيٸمدەر, اياق كيٸمدەر مەن برەندتٸك سٶمكەلەر بولعان. اراسىندا Loro Piana بۇيىمدارى دا بار.
ەڭ ٶكٸنٸشتٸسٸ, ۇرلىق ۆەنەتسييا كينوفەستيۆالٸ اياسىنداعى ٸس-شارانىڭ الدىندا بولعان. بلوگەر سول شاراعا كيەتٸن كيٸمدەرٸنٸڭ بارلىعى چەموداندا بولعانىن ايتتى.
مادلەننٸڭ سٶزٸنشە, جوعالعان زاتتاردىڭ جالپى قۇنى شامامەن 70 مىڭ دوللار, ياعني 31 ملن تەڭگە.
بلوگەر بولعان جاعدايعا قاتتى كٷيزەلٸپ, ەلەۋمەتتٸك جەلٸدە ٶز وقيعاسىمەن بٶلٸستٸ.
