قازاقستاندا «جىلدىڭ 10 ٷزدٸك وقىرمانى» رەسپۋبليكالىق كٸتاپ مارافونى باستالدى. جوبانىڭ 10 جەڭٸمپازىنىڭ ەرقايسىسىنا 10 ميلليون تەڭگەدەن اقشالاي سىيلىق بەرٸلەدٸ, دەپ حابارلايدى ult.kz.
بۇل تۋرالى مەدەنيەت جەنە اقپارات مينيسترٸ ارمان قىرىقباەۆ مەلٸمدەدٸ.
مەملەكەت باسشىسىنىڭ تاپسىرماسىمەن 1 قىركٷيەكتە باستالعان جوبا بٷگٸندە ەلدٸڭ 195 اۋدانى مەن 87 قالاسىن قامتىعان. ەكٸ اپتانىڭ ٸشٸندە ارنايى پلاتفورماعا 1 ميلليوننان استام ادام تٸركەلگەن.
قاتىسۋشىلار وقۋشىلار مەن ستۋدەنتتەردەن باستاپ, مۇعالٸمدەر, عالىمدار جەنە مەملەكەتتٸك قىزمەتشٸلەرگە دەيٸنگٸ سەگٸز سانات بويىنشا باق سىنايدى.
مارافوننىڭ نەگٸزگٸ شارتى – التى اي ٸشٸندە 15 كٸتاپ وقىپ, كەيٸن ينتەللەكتۋالدىق سىناقتاردان ٶتۋ جەنە شىعارمالاردىڭ مازمۇنىن جاقسى مەڭگەرگەنٸن كٶرسەتۋ.
ٶڭٸرلٸك كەزەڭدەردٸڭ جەڭٸمپازدارى اراسىنان شامامەن 4 مىڭ ادام اقشالاي سىيلىق الادى. ال مارافوننىڭ باستى 10 جەڭٸمپازى فينالدا انىقتالادى.
جوبانىڭ قورىتىندىسى 23 سەۋٸر – ۇلتتىق كٸتاپ كٷنٸ قارساڭىندا شىعارىلادى.
«ٷزدٸك ون قاتىسۋشىنىڭ ەرقايسىسىنا 10 ميلليون تەڭگە كٶلەمٸندە ارنايى سىيلىق بەرٸلەدٸ. قوعامنىڭ مارافونعا دەگەن قىزىعۋشىلىعىنىڭ جوعارى بولعانى قۋانتادى», – دەدٸ ارمان قىرىقباەۆ.
مينيستردٸڭ ٶزٸ «پاراسات» ارنايى ساناتىنا تٸركەلگەن. بۇل ساناتتا قاتىسۋشىلار كٶشباسشىلىق, باسقارۋ جەنە مەملەكەتكە قىزمەت ەتۋ تاقىرىپتارىنداعى 15 كٸتاپتى وقۋى كەرەك. الايدا اتالعان ساناتتا اقشالاي سىيلىق قاراستىرىلماعان.
قىرىقباەۆ ەرٸپتەستەرٸن – مينيسترلەردٸ, دەپۋتاتتار مەن ەكٸمدەردٸ وقيتىن ۇلت قالىپتاستىرۋ باستاماسىن جەكە ٷلگٸسٸمەن قولداۋعا شاقىردى.
