جاقىنىن جەر قوينىنا تاپسىرعان كٷنٸ مارقۇمنىڭ وتباسىنا ٷلكەن داستارقان جايىپ, كٶپشٸلٸككە اس بەرۋ دەستٷرٸ قوعامدا جيٸ تالقىلانىپ جٷر. سوڭعى ۋاقىتتا كەي ٶڭٸرلەردە جەرلەۋ كٷنٸندەگٸ استى كەيٸنگە قالدىرۋ تەجٸريبەسٸ دە بايقالا باستاعان, دەپ حابارلايدى ult.kz.
بۇل تۋرالى تٸل جاناشىرى, جازۋشى قانات تاسيبەكوۆ ەلەۋمەتتٸك جەلٸدەگٸ جازباسىندا ايتىپ, شىمكەنتتەگٸ تەجٸريبەنٸ بٶلٸستٸ.
ونىڭ سٶزٸنشە, شىمكەنتتە ٶزٸ ەكٸنشٸ رەت ادام جەرلەنگەن كٷنٸ جانازا اسى بەرٸلمەيتٸنٸن كٶرگەن. مارقۇمنىڭ جاقىندارى جەرلەۋگە قاتىسقان ادامدارمەن بٸرگە زيراتقا بارىپ, قۇران باعىشتاپ, كەيٸن ٷيلەرٸنە تارايدى. ال اس جەتٸسٸندە بەرٸلەدٸ.
جەرلەۋگە قاتىسا الماعان ادامدار مارقۇمنىڭ ٷيٸنە كەيٸن كەلٸپ, كٶڭٸل ايتىپ, قۇران وقيدى. الايدا ولارعا ارنايى داستارقان جايىلىپ, تاماق ۇسىنىلمايدى.
اۆتوردىڭ پٸكٸرٸنشە, مۇنداي تەسٸل ەڭ الدىمەن مارقۇمنىڭ جاقىندارىنا تٷسەتٸن سالماقتى ازايتادى. ٶيتكەنٸ ادامىنان ايىرىلعان وتباسى قايعىنىڭ ٷستٸنە جٷزدەگەن ادامعا اس بەرۋدٸڭ قامىن جاساۋعا مەجبٷر بولمايدى.
«مەيرامحانانى قايدان تابامىز?», «قانشا ادام كەلەدٸ?», «جۇرتتى قالاي كٷتەمٸز?» دەگەن ۇيىمداستىرۋ مەسەلەلەرٸ قارالىپ جاتقاندا, وتباسىنىڭ قارالى جاعدايى ەكٸنشٸ ورىنعا تٷسٸپ كەتۋٸ مٷمكٸن.
قانات تاسيبەكوۆ قازاقستاننىڭ ەر ٶڭٸرٸندە جەرلەۋ مەن ازا تۇتۋعا قاتىستى دەستٷرلەردٸڭ ەرتٷرلٸ ەكەنٸن دە اتاپ ٶتتٸ. مەسەلەن, بالقاشتا جانازا تاڭ اتپاي وقىلىپ, مارقۇم كٷن شىققانعا دەيٸن جەرلەنەدٸ. ال جەرلەۋدەن كەيٸنگٸ اس ادامداردىڭ جۇمىس اۋىسىمىنا بايلانىستى كٷنٸ بويى جالعاساتىن جاعدايلار بار. اتىراۋدا جٷز كٷندٸك اس تا بەلگٸلٸ بٸر ۋاقىتپەن شەكتەلمەي, ادامداردىڭ ٶزٸنە ىڭعايلى ۋاقىتتا كەلۋٸمەن ەرەكشەلەنەدٸ.
اۆتوردىڭ پٸكٸرٸنشە, جانازا كٷنٸ مول داستارقان جايۋدى مٸندەت ساناماۋ – وتباسىنىڭ قايعىسىن جەڭٸلدەتەتٸن ەرٸ ارتىق شىعىندى ازايتاتىن شەشٸم.
«زيراتتان جاڭا عانا قايتىپ, جاقىنىڭدى جەر قوينىنا تاپسىرعان بويدا مول داستارقانعا وتىرىپ, اس ٸشۋدٸڭ ٶزٸ بٸرتٷرلٸ», – دەپ جازادى ول.
شىمكەنتتەگٸ بۇل تەجٸريبە ەزٸرگە بٷكٸل قازاقستانعا ورتاق قالىپتاسقان دەستٷر دەپ ايتۋعا ەرتە. دەگەنمەن جانازا كٷنٸ اس بەرمەۋ, ال استى كەيٸنگٸ كٷندەرگە قالدىرۋ مەسەلەسٸ قوعامدا جاڭا كٶزقاراس رەتٸندە تالقىلانا باستاعانى بايقالادى.
