2026 جىلدىڭ ماۋسىم-تامىز ايلارىندا قازاقستاندا تەرروريستٸك جەنە ەكسترەميستٸك قىلمىستار جاساعانى ٷشٸن 19 ادام تٷرلٸ مەرزٸمگە باس بوستاندىعىنان ايىرىلدى, دەپ حابارلايدى ult.kz.
ۇلتتىق قاۋٸپسٸزدٸك كوميتەتٸنٸڭ مەلٸمەتٸنشە, سوتتالعاندار بويىنشا قىلمىستىق ٸستەردٸ ۇقك تەرگەگەن.
سوتتالعانداردىڭ بٸرٸ – الماتى قالاسىنىڭ تۋماسى. ول 2017 جىلدان بەرٸ حالىقارالىق تەرروريستٸك ۇيىمداردىڭ قىزمەتٸنە قاتىسقانى ٷشٸن حالىقارالىق ٸزدەۋدە بولعان. ەر ادام تٷركييادان تابىلىپ, 2025 جىلى قازاقستانعا دەپورتاتسييالانعان. كەيٸن قىلمىستىق ٸس اياسىندا قاماۋعا الىنىپ, سوت شەشٸمٸمەن 8 جىلعا باس بوستاندىعىنان ايىرىلدى.
ال شىمكەنت تۇرعىنى ەلەۋمەتتٸك جەلٸلەردە تەرروريزم يدەولوگيياسىن ناسيحاتتاپ, تانىستارىن زورلىق-زومبىلىق اكتسييالارىنا قاتىسۋعا شاقىرعان. سوت ونى 9 جىلعا باس بوستاندىعىنان ايىردى.
سونىمەن قاتار ماۋسىم-تامىز ايلارىندا استانا, الماتى جەنە شىمكەنت قالالارىندا, سونداي-اق اقمولا, اقتٶبە, الماتى, جامبىل, ماڭعىستاۋ جەنە تٷركٸستان وبلىستارىندا جٷرگٸزٸلگەن جەدەل-ٸزدەستٸرۋ شارالارى بارىسىندا 28 ادام ۇستالدى.
ولار تەرروريزمدٸ ناسيحاتتادى, دٸني ارازدىقتى قوزدىردى, ينتەرنەتتە جەنە ٶز ورتاسىندا تىيىم سالىنعان ماتەريالداردى تاراتتى, سونداي-اق ەكسترەميستٸك ۇيىمنىڭ قىزمەتٸنە قاتىستى دەگەن كٷدٸككە ٸلٸنگەن.
قازٸرگٸ ۋاقىتتا اتالعان فاكتٸلەر بويىنشا قىلمىستىق كودەكستٸڭ تيٸستٸ باپتارىمەن سوتقا دەيٸنگٸ تەرگەۋ جٷرگٸزٸلٸپ جاتىر.
ۇقك قىلمىستىق-پروتسەستٸك كودەكستٸڭ 201-بابىنىڭ 1-بٶلٸگٸنە سەيكەس, تەرگەۋ بارىسىنا قاتىستى ٶزگە اقپارات جارييالانبايتىنىن حابارلادى.
