2026 jyldyń maýsym-tamyz ailarynda Qazaqstanda terroristik jáne ekstremistik qylmystar jasaǵany úshin 19 adam túrli merzimge bas bostandyǵynan aiyryldy, dep habarlaidy ult.kz.
Ulttyq qaýipsizdik komitetiniń málimetinshe, sottalǵandar boiynsha qylmystyq isterdi UQK tergegen.
Sottalǵandardyń biri – Almaty qalasynyń týmasy. Ol 2017 jyldan beri halyqaralyq terroristik uiymdardyń qyzmetine qatysqany úshin halyqaralyq izdeýde bolǵan. Er adam Túrkiiadan tabylyp, 2025 jyly Qazaqstanǵa deportatsiialanǵan. Keiin qylmystyq is aiasynda qamaýǵa alynyp, sot sheshimimen 8 jylǵa bas bostandyǵynan aiyryldy.
Al Shymkent turǵyny áleýmettik jelilerde terrorizm ideologiiasyn nasihattap, tanystaryn zorlyq-zombylyq aktsiialaryna qatysýǵa shaqyrǵan. Sot ony 9 jylǵa bas bostandyǵynan aiyrdy.
Sonymen qatar maýsym-tamyz ailarynda Astana, Almaty jáne Shymkent qalalarynda, sondai-aq Aqmola, Aqtóbe, Almaty, Jambyl, Mańǵystaý jáne Túrkistan oblystarynda júrgizilgen jedel-izdestirý sharalary barysynda 28 adam ustaldy.
Olar terrorizmdi nasihattady, dini arazdyqty qozdyrdy, internette jáne óz ortasynda tyiym salynǵan materialdardy taratty, sondai-aq ekstremistik uiymnyń qyzmetine qatysty degen kúdikke ilingen.
Qazirgi ýaqytta atalǵan faktiler boiynsha Qylmystyq kodekstiń tiisti baptarymen sotqa deiingi tergeý júrgizilip jatyr.
UQK Qylmystyq-protsestik kodekstiń 201-babynyń 1-bóligine sáikes, tergeý barysyna qatysty ózge aqparat jariialanbaitynyn habarlady.
