پرەمەر-مينيستردٸڭ ورىنباسارى – مەدەنيەت جەنە اقپارات مينيسترٸ ايدا بالاەۆا ٷكٸمەت وتىرىسىندا مەملەكەت باسشىسىنىڭ جاڭا كونستيتۋتسييادا بەكٸتٸلگەن قاعيداتتاردى جٷزەگە اسىرۋ جٶنٸندەگٸ تاپسىرمالارىن ورىنداۋ بويىنشا جٷرگٸزٸلٸپ جاتقان جۇمىستار تۋرالى باياندادى, دەپ حابارلايدى ult.kz.
ول جاڭا كونستيتۋتسييادا بەكٸتٸلگەن قۇندىلىقتار – ەدٸلدٸك, زاڭ ٷستەمدٸگٸ, ادامعا قۇرمەت, ۇلتتىق بٸرەگەيلٸك پەن قوعامدىق جاۋاپكەرشٸلٸك – بٷگٸنگٸ قازاقستاننىڭ عانا ەمەس, ەرتەڭگٸ ۇرپاقتىڭ دا باستى نەگٸزٸ ەكەنٸن اتاپ ٶتتٸ.
«بٸز ٷشٸن ايرىقشا ماڭىزدى ٶزگەرٸستەردٸڭ بٸرٸ – مەدەنيەت, عىلىم مەن بٸلٸمنٸڭ مەملەكەتتٸڭ ستراتەگييالىق باسىمدىقتارى دەڭگەيٸنە كٶتەرٸلۋٸ. كونستيتۋتسييادا العاش رەت ۇلتتىق مەدەني مۇرانى ساقتاۋ مەن دامىتۋ مەملەكەتتٸڭ تٸكەلەي مٸندەتٸ رەتٸندە بەكٸتٸلدٸ. بۇل – مەدەنيەتتٸڭ ەندٸ تەك رۋحاني قۇندىلىق قانا ەمەس, قوعامدىق تۇتاستىقتىڭ جەنە ەلدٸڭ ۇزاقمەرزٸمدٸ دامۋىنىڭ نەگٸزگٸ فاكتورلارىنىڭ بٸرٸ رەتٸندە تانىلعانىن بٸلدٸرەدٸ», — دەپ اتاپ ٶتتٸ ايدا بالاەۆا.
سونىمەن قاتار كونستيتۋتسييا تالاپتارىنا سەيكەس كەلتٸرۋ ماقساتىندا تاعى 18 زاڭعا تٷزەتۋلەر جاسالىپ جاتقانى اتاپ ٶتٸلدٸ.
اتاپ ايتقاندا, سٶز بوستاندىعى مەن اقپارات تاراتۋ, دٸني ۇيىمداردىڭ قىزمەتٸ, بەيبٸت جينالىستاردى ٶتكٸزۋ, ۆولونتەرلٸك قىزمەتتٸ قولداۋ, قايىرىمدىلىق, مەدەنيەت, كينەماتوگرافييا بويىنشا, سونداي-اق كونستيتۋتسييادان تٸكەلەي تۋىندايتىن ٶزگە دە زاڭنامالىق ٶزگەرٸستەر ەنگٸزٸلمەك.
