قازاقستاندا كەلەسٸ جىلدان باستاپ قاعاز ەڭبەك كٸتاپشالارىنان كەزەڭ-كەزەڭٸمەن باس تارتىپ, ەڭبەك قىزمەتٸن تولىق تسيفرلىق فورماتتا ەسەپكە الۋ مەسەلەسٸ قاراستىرىلىپ جاتىر. بۇل تۋرالى قر ەڭبەك جەنە حالىقتى ەلەۋمەتتٸك قورعاۋ بٸرٸنشٸ ۆيتسە-مينيسترٸ ەربول تۇياقباەۆ سەناتتاعى بريفينگتە مەلٸمدەدٸ, دەپ حابارلايدى ult.kz.
جۋرناليستەردٸڭ قاعاز ەڭبەك كٸتاپشالارىنىڭ بولاشاعىنا قاتىستى ساۋالىنا جاۋاپ بەرگەن ەربول تۇياقباەۆ بۇل قۇجاتتىڭ تسيفرلاندىرۋ دەۋٸرٸندە بٸرتٸندەپ ٶزەكتٸلٸگٸن جوعالتىپ كەلە جاتقانىن ايتتى.
ونىڭ سٶزٸنشە, بٷگٸندە ازاماتتاردىڭ ەڭبەك قىزمەتٸ, زەينەتاقى اۋدارىمدارى مەن ەلەۋمەتتٸك تٶلەمدەرٸ تۋرالى بارلىق اقپارات مەملەكەتتٸك اقپاراتتىق جٷيەلەردە ساقتالادى. سوندىقتان قاعاز قۇجاتتاردى جٷرگٸزۋ ازاماتتار مەن جۇمىس بەرۋشٸلەرگە قوسىمشا جٷكتەمە تٷسٸرەدٸ.
– جاساندى ينتەللەكت دەۋٸرٸندە قاعاز ەڭبەك كٸتاپشاسىنىڭ قاجەتتٸلٸگٸ كٷن ٶتكەن سايىن ازايىپ كەلەدٸ. مەملەكەت ازاماتتىڭ ەڭبەك جولى تۋرالى مەلٸمەتتەردٸ قاعاز قۇجاتسىز-اق كٶرە الادى. ميلليونداعان ادام ەڭبەك كٸتاپشالارىن ساقتاۋعا نەمەسە جوعالعان جاعدايدا قالپىنا كەلتٸرۋگە ۋاقىت جۇمسايدى. ال جۇمىس بەرۋشٸلەردٸڭ كادر بٶلٸمدەرٸ ەلٸ دە اۋقىمدى قاعاز قۇجات اينالىمىن جٷرگٸزۋگە مەجبٷر, – دەدٸ بٸرٸنشٸ ۆيتسە-مينيستر.
ونىڭ ايتۋىنشا, ەڭبەك جەنە حالىقتى ەلەۋمەتتٸك قورعاۋ مينيسترلٸگٸ ەڭبەك قىزمەتٸن ەسەپكە الۋ جٷيەسٸن ودان ەرٸ تسيفرلاندىرۋ بويىنشا جۇمىستار جٷرگٸزٸپ جاتىر. جوسپارعا سەيكەس, كەلەسٸ جىلدان باستاپ قاعاز ەڭبەك كٸتاپشالارىنان كەزەڭ-كەزەڭٸمەن باس تارتۋ جەنە تولىق تسيفرلىق فورماتقا كٶشۋ جٶنٸندە ناقتى شەشٸمدەر قابىلدانباق.
ەربول تۇياقباەۆتىڭ پٸكٸرٸنشە, بولاشاقتا قىزمەتكەرلەر ەڭبەك ٶتٸلٸ تۋرالى اقپاراتتى بٸرنەشە سەكۋند ٸشٸندە تەلەفون ارقىلى كٶرە الۋى تيٸس. ال جۇمىس بەرۋشٸلەر قاجەتتٸ مەلٸمەتتەردٸ مۇراعاتتاردى اقتارماي-اق جەنە قوسىمشا انىقتامالار سۇراتپاي-اق الۋعا مٷمكٸندٸك الادى.
ۆيتسە-مينيستردٸڭ ايتۋىنشا, رەفورمانىڭ باستى ماقساتى – ەڭبەك ٶتٸلٸنە قاتىستى دەرەكتەردٸ اۆتوماتتى تٷردە راستاۋ جٷيەسٸن قالىپتاستىرىپ, قاعازباستىلىقتى ازايتۋ, بيۋروكراتييالىق رەسٸمدەردٸ قىسقارتۋ جەنە قۇجاتتاردىڭ جوعالۋ قاۋپٸن جويۋ.
