قازاقستاندا مەملەكەتتٸك تۋ, ەلتاڭبا جەنە ەنۇراندى پايدالانۋ قاعيدالارىنا ٶزگەرٸستەر ەنگٸزٸلدٸ. جاڭارتىلعان تالاپتار مەملەكەتتٸك رەمٸزدەردٸ پايدالانۋ تەرتٸبٸن ناقتىلاپ, ولارعا دەگەن قۇرمەتتٸ كٷشەيتۋگە باعىتتالعان, دەپ حابارلايدى ult.kz.
ەندٸ نورماتيۆتٸك قۇقىقتىق اكتٸلەردە بۇرىنعى «گيمن» اتاۋىنىڭ ورنىنا «ەنۇران» تەرمينٸ قولدانىلادى.
سونداي-اق مەملەكەتتٸك تۋدى ورنالاستىرۋ تەرتٸبٸ ناقتىلاندى. جەكە جەنە زاڭدى تۇلعالار تۋدى عيماراتتارعا, سونىڭ ٸشٸندە بالكوندارعا 45 گرادۋس بۇرىشپەن ٸلە الادى. بۇل مٷمكٸندٸك زاڭنامادا بۇرىن بولعانىمەن, بالكونعا ورنالاستىرۋ تەرتٸبٸ العاش رەت ناقتى كٶرسەتٸلدٸ.
جاڭا تالاپتارعا سەيكەس, جەكە تۇرعىن ٷيلەردە مەملەكەتتٸك تۋ جەردەن كەمٸندە ٷش مەتر بيٸكتٸكتە ورناتىلۋى تيٸس. سونىمەن بٸرگە تۋدى تٷندە جارىقتاندىرۋ مٸندەتٸ الىنىپ تاستالدى. ەگەر عيماراتتىڭ قاسبەتٸنە تۋ ٸلۋ مٷمكٸن بولماسا, ونى اۋلاداعى ارنايى تۋ تۇعىرىنا ورناتۋعا رۇقسات ەتٸلەدٸ.
قاعيدالاردا تۋدىڭ جەرگە, ەدەنگە نەمەسە سۋعا تييۋٸنە جول بەرٸلمەيتٸنٸ تاعى بٸر مەرتە ناقتىلاندى. سونىمەن قاتار ٶڭٸ كەتكەن, جىرتىلعان نەمەسە بٷلٸنگەن مەملەكەتتٸك تۋدى پايدالانۋعا تىيىم سالىنادى. مەملەكەتتٸك رەمٸزدەر تۋرالى زاڭ تالاپتارى ساقتالعان جاعدايدا تۋدى اۆتوكٶلٸك سالونىندا ورنالاستىرۋعا دا رۇقسات بەرٸلگەن.
جاڭاشىلدىقتاردىڭ بٸرٸ – سپورتشىلاردىڭ كيٸمٸ مەن جابدىقتارىنا مەملەكەتتٸك تۋدىڭ بەينەسٸن ورنالاستىرۋعا رۇقسات ەتٸلۋٸ. بۇعان دەيٸن سپورتتىق كيٸمدە تەك مەملەكەتتٸك ەلتاڭبانى قولدانۋعا بولاتىن. ەندٸ بۇل قۇقىق مەملەكەتتٸك تۋدىڭ بەينەسٸنە دە بەرٸلدٸ.
ال مەملەكەتتٸك تۋدى جارنامالىق ماقساتتا پايدالانۋعا, سونداي-اق ونى كيٸم-كەشەككە, تٶسەك-ورىنعا, پەردەگە, داستارقانعا, تٶسەنٸشكە جەنە باسقا دا تۇرمىستىق بۇيىمدارعا ورنالاستىرۋعا بۇرىنعىداي تىيىم سالىنادى.
مەدەنيەت جەنە اقپارات مينيسترلٸگٸنٸڭ مەلٸمەتٸنشە, ەنگٸزٸلگەن ٶزگەرٸستەر مەملەكەتتٸك رەمٸزدەردٸ پايدالانۋ تەرتٸبٸن بٸرٸزدەندٸرٸپ, ازاماتتار, ۇيىمدار, سپورتشىلار مەن كەسٸپكەرلەر ٷشٸن ورتاق تالاپتاردى ايقىنداۋعا مٷمكٸندٸك بەرەدٸ.
