قازاقستاندا گۋمانويد روبوتتاردى ٶندٸرۋ جوباسى قولعا الىنادى. جوبا روبوتوتەحنيكا, جاساندى ينتەللەكت جەنە ٶنەركەسٸپتٸك ٶندٸرٸستٸ بٸرٸكتٸرٸپ, ەلدەگٸ ينجەنەرلٸك جەنە تەحنولوگييالىق قۇزىرەتتەردٸ دامىتۋعا باعىتتالعان, دەپ حابارلايدى ult.kz.
بۇل تۋرالى استاناداعى Alem.ai الاڭىندا ٶتكەن Qazbot Robotics Forum بارىسىندا ايتىلدى. ٸس-شاراعا مەملەكەتتٸك ورگانداردىڭ, جوعارى وقۋ ورىندارىنىڭ, تەحنولوگييالىق كومپانييالار مەن ساراپشىلاردىڭ ٶكٸلدەرٸ قاتىستى.
جوبا گۋمانويد روبوتتار جەنە Embodied AI سالاسىنداعى شەشٸمدەردٸ ەزٸرلەيتٸن حالىقارالىق AgiBot كومپانيياسىمەن بٸرلەسٸپ جٷزەگە اسىرىلادى. ىنتىماقتاستىق اياسىندا تەحنولوگييالاردى قازاقستاندا لوكاليزاتسييالاۋ, ينجەنەرلٸك كادرلاردى دايارلاۋ, عىلىمي زەرتتەۋلەر جٷرگٸزۋ جەنە قاجەتتٸ مامانداردى وقىتۋ جوسپارلانىپ وتىر.
قر عىلىم جەنە جوعارى بٸلٸم مينيسترٸ ساياسات نۇربەكتٸڭ ايتۋىنشا, قازاقستاننىڭ ماقساتى – دايىن تەحنولوگييالاردى ساتىپ الۋمەن شەكتەلمەي, ەل ٸشٸندە ٶزٸندٸك ينجەنەرلٸك جەنە عىلىمي بازا قالىپتاستىرۋ.
«گۋمانويد روبوتتار ٶندٸرٸسٸ ۋنيۆەرسيتەتتەر, عالىمدار مەن يندۋسترييانى بٸرتۇتاس تەحنولوگييالىق تٸزبەككە بٸرٸكتٸرەتٸن الاڭعا اينالۋى تيٸس», – دەدٸ مينيستر.
قازٸر قازاقستاننىڭ جوعارى وقۋ ورىندارىندا روبوتوتەحنيكا, مەحاترونيكا, ٶنەركەسٸپتٸك اۆتوماتتاندىرۋ, ينتەللەكتۋالدى جٷيەلەر جەنە جاساندى ينتەللەكت باعىتتارى بويىنشا 56 بٸلٸم بەرۋ باعدارلاماسى ٸسكە اسىرىلىپ جاتىر.
جوباعا نازارباەۆ ۋنيۆەرسيتەتٸنٸڭ اقىلدى جٷيەلەر جەنە جاساندى ينتەللەكت ينستيتۋتى (ISSAI) دا قوسىلدى. ينستيتۋت گۋمانويد روبوتوتەحنيكا سالاسىنداعى عىلىمي جەنە جٷيەلٸك ينتەگراتسييالىق سەرٸكتەس رەتٸندە جۇمىس ٸستەيدٸ.
تاراپتار ينجەنەرلٸك كادرلار دايارلاۋ, بەيٸندٸ زەرتحانالار اشۋ, بٸرلەسكەن عىلىمي زەرتتەۋلەر جٷرگٸزۋ جەنە ستۋدەنتتەر مەن عالىمداردى گۋمانويد روبوتوتەحنيكا جوبالارىنا تارتۋ مەسەلەلەرٸن تالقىلادى.
جوبانى جٷزەگە اسىرۋ نەتيجەسٸندە قازاقستاندا گۋمانويد روبوتتاردى ەزٸرلەۋ مەن ٶندٸرۋدٸڭ تولىق تەحنولوگييالىق تٸزبەگٸن قالىپتاستىرۋعا مٷمكٸندٸك بەرەتٸن جاڭا ينجەنەرلٸك جەنە عىلىمي قۇزىرەتتەردٸ دامىتۋ كٶزدەلٸپ وتىر.
