قازاقستاندا مەديتسينالىق بٸلٸم بەرۋ جٷيەسٸنە بٸرقاتار ماڭىزدى ٶزگەرٸس ەنگٸزٸلەدٸ. بۇل تۋرالى دەنساۋلىق ساقتاۋ مينيسترٸ اقمارال ەلنازاروۆا قاراعاندى مەديتسينا ۋنيۆەرسيتەتٸندە ٶتكەن كەڭەستە مەلٸمدەدٸ, دەپ حابارلايدى ult.kz.
مينيستردٸڭ ايتۋىنشا, زاڭنامالىق ٶزگەرٸستەر اياسىندا بولاشاق دەرٸگەرلەردٸ دايارلاۋ جٷيەسٸ پراكتيكالىق دەنساۋلىق ساقتاۋ سالاسىنىڭ ناقتى سۇرانىسىنا بەيٸمدەلەدٸ. سوعان سەيكەس ينتەرناتۋرا مەرزٸمٸ ۇزارتىلادى, دەرٸگەر-ينتەرننٸڭ رەسمي مەرتەبەسٸ ەنگٸزٸلەدٸ جەنە ولاردىڭ پراكتيكالىق قىزمەتكە قاتىسۋ مٷمكٸندٸگٸ كەڭەيتٸلەدٸ. سونداي-اق رەزيدەنت-دەرٸگەرلەردٸ دايارلاۋ جٷيەسٸ دە جەتٸلدٸرٸلەدٸ.
ەندٸ مەديتسينالىق جوعارى وقۋ ورىندارىندا بٸلٸم بەرۋ باعدارلامالارىنىڭ پراكتيكالىق بٶلٸگٸ كٷشەيتٸلەدٸ. بولاشاق دەرٸگەرلەر تەك ستاتسيوناردا عانا ەمەس, العاشقى مەديتسينالىق-سانيتارييالىق كٶمەك كٶرسەتۋ دەڭگەيٸندە دە جۇمىس ٸستەۋگە دايىندالادى. بۇل تٷلەكتەردٸڭ ناقتى ەڭبەك جاعدايىنا تەز بەيٸمدەلۋٸنە جەنە كەسٸبي داعدىلارىن ەرتە قالىپتاستىرۋعا مٷمكٸندٸك بەرەدٸ.
اقمارال ەلنازاروۆا قاراعاندىدا سالىناتىن جاڭا پەريناتالدىق ورتالىق پەن 300 ورىندىق ۋنيۆەرسيتەتتٸك كلينيكا مەديتسينالىق كادرلاردى دايارلاۋدىڭ ماڭىزدى بازاسىنا اينالاتىنىن اتاپ ٶتتٸ.
سونىمەن قاتار مينيستر ۋنيۆەرسيتەتتە جاساندى ينتەللەكت نەگٸزٸندەگٸ مەديتسينالىق جوبالارمەن تانىستى. اتاپ ايتقاندا, مەديتسينالىق قۇجاتتاردى اۆتوماتتى تٷردە جٷرگٸزۋگە ارنالعان AI Med Voice جٷيەسٸ تانىستىرىلدى. مينيستر جاساندى ينتەللەكتٸنٸ ەنگٸزۋ دەنساۋلىق ساقتاۋ مەن مەديتسينالىق بٸلٸم بەرۋدٸ تسيفرلاندىرۋدىڭ نەگٸزگٸ باعىتتارىنىڭ بٸرٸ بولۋى تيٸس ەكەنٸن ايتتى.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, مەديتسينالىق بٸلٸم بەرۋ رەفورماسىنىڭ باستى ماقساتى – قازٸرگٸ زامان تالاپتارىنا ساي جۇمىس ٸستەي الاتىن جەنە حالىققا كٶرسەتٸلەتٸن مەديتسينالىق كٶمەكتٸڭ ساپاسى مەن قاۋٸپسٸزدٸگٸن قامتاماسىز ەتەتٸن بەسەكەگە قابٸلەتتٸ ماماندار دايارلاۋ.
