قازاقستاندا مەديتسينالىق ينفراقۇرىلىمدى جاڭعىرتۋ جۇمىستارى قارقىن الدى. قازٸرگٸ تاڭدا ەلٸمٸزدٸڭ ەر ٶڭٸرٸندە جالپى قۇنى 108 ملرد تەڭگەنٸ قۇرايتىن 51 دەنساۋلىق ساقتاۋ نىسانىنىڭ قۇرىلىسى قاتار جٷرگٸزٸلۋدە, دەپ حابارلايدى ult.kz.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, قارجىنىڭ 55 ملرد تەڭگەسٸ «اۋىلدىق دەنساۋلىق ساقتاۋدى جاڭعىرتۋ» ۇلتتىق جوباسى اياسىندا اۋداندىق اۋرۋحانالاردى جاڭعىرتۋعا باعىتتالعان. ال 53 ملرد تەڭگە بيۋدجەتتٸك ينۆەستيتسييالىق جوبالاردى ٸسكە اسىرۋعا بٶلٸنگەن.
قازٸر قىزىلوردا مەن ٶسكەمەندە 300 ورىندىق كٶپبەيٸندٸ اۋرۋحانالار, اتىراۋ وبلىسىنداعى ٶركەن جەنە نۇرسايا شاعىن اۋداندارىندا ەمحانالار, سولتٷستٸك قازاقستان وبلىسىنىڭ بەسكٶل اۋىلىندا تەۋلٸگٸنە 250 ادام قابىلدايتىن جەنە تالدىقورعاندا بٸر اۋىسىمدا 500 ادامعا قىزمەت كٶرسەتەتٸن ەمحانالار سالىنۋدا.
سونىمەن قاتار 2026 جىلى ارناۋلى مەملەكەتتٸك قور قاراجاتى ەسەبٸنەن قارجىلاندىرىلعان بٸرقاتار نىسان پايدالانۋعا بەرٸلەدٸ. ولاردىڭ قاتارىندا قاراعاندىداعى ونكولوگييالىق ديسپانسەر, تالدىقورعانداعى وبلىستىق بالالار اۋرۋحاناسىنىڭ جاڭعىرتىلعان عيماراتى, جەتٸسۋ وبلىسىنداعى كەربۇلاق اۋداندىق اۋرۋحاناسى جەنە ٶسكەمەندەگٸ گەماتولوگييا ورتالىعى بار.
جوسپارعا سەيكەس, 2026 جىلدىڭ سوڭىنا دەيٸن 32 اۋداندىق اۋرۋحانا جاڭعىرتىلىپ, زاماناۋي كٶپبەيٸندٸ اۋداندىق ورتالىق اۋرۋحانالار دەڭگەيٸنە جەتكٸزٸلەدٸ. بۇل مەكەمەلەر كومپيۋتەرلٸك توموگرافتار, انگيوگرافييالىق كەشەندەر جەنە باسقا دا جوعارى تەحنولوگييالىق مەديتسينالىق جابدىقتارمەن قامتاماسىز ەتٸلەدٸ. مۇنداي جاڭعىرتۋ ينسۋلت پەن ينفاركت كەزٸندە ناۋقاستارعا دەر كەزٸندە كٶمەك كٶرسەتۋ مٷمكٸندٸگٸن ارتتىرىپ, جٷرەك-قان تامىرلارى اۋرۋلارى مەن ينسۋلتتەن بولاتىن ٶلٸم-جٸتٸمدٸ شامامەن 20 پايىزعا تٶمەندەتۋگە ىقپال ەتەدٸ.
سونداي-اق مەملەكەتتٸك-جەكەشەلٸك ەرٸپتەستٸك اياسىندا كٶكشەتاۋدا 630 ورىندىق, قوسشىدا 350 ورىندىق كٶپبەيٸندٸ اۋرۋحانالار جەنە الماتىدا جاڭا مەديتسينالىق كەشەننٸڭ قۇرىلىسى جالعاسۋدا.
بۇدان بٶلەك, مەملەكەت باسشىسىنىڭ تاپسىرماسىنا سەيكەس, 2029 جىلعا دەيٸن استانا, الماتى, شىمكەنت, قاراعاندى, قاسكەلەڭ, قىزىلوردا, ورال جەنە تٷركٸستان وبلىسىنىڭ تەمٸرلان اۋىلىندا بارلىعى 9 جاڭا پەريناتالدىق ورتالىق سالۋ جوسپارلانعان. بۇل جوبالار انا مەن بالا دەنساۋلىعىن قورعاۋ قىزمەتٸنٸڭ ساپاسىن ارتتىرۋعا جەنە حالىققا كٶرسەتٸلەتٸن مەديتسينالىق كٶمەكتٸڭ قولجەتٸمدٸلٸگٸن كەڭەيتۋگە باعىتتالعان.
