قازاقستاندا باعاسى 10–15 ميلليون تەڭگە ارالىعىنداعى جاڭا اۆتوكٶلٸكتەرگە دەگەن سۇرانىسقا قاتىستى جاڭا زەرتتەۋ جارييالاندى, دەپ حابارلايدى ult.kz.
ساراپشىلار 2025 جىل بويى Kolesa.kz پلاتفورماسىنداعى پايدالانۋشىلاردىڭ قىزىعۋشىلىعىن سارالاپ, الماتىدا ٶتكەن «جاڭا اۆتوكٶلٸكتەر» كونفەرەنتسيياسىندا وسى باعا ساناتىنداعى ەڭ سۇرانىسقا يە مودەلدەردٸڭ تٸزٸمٸن ۇسىندى.
رەسمي ديلەرلٸك ورتالىقتاردىڭ ساتىلىمىنا قاراعاندا, بۇل سەگمەنتتە بۇرىننان Hyundai Tucson مەن Kia Sportage كٶش باستاپ كەلەدٸ. الايدا جەكە يمپورتتاۋشىلاردىڭ ۇسىنىستارى ەسكەرٸلگەندە, ساتىپ الۋشىلاردىڭ تاڭداۋى ٶزگەشە بولىپ شىقتى.
1-ورىن – Deepal S07
باعاسى 10–15 ملن تەڭگە ارالىعىنداعى ەڭ تانىمال جاڭا كٶلٸك – Deepal S07 بولدى. بۇل مودەل قازاقستاندا گيبريدتٸ جەنە تولىق ەلەكترلٸ نۇسقالاردا ساتىلعانىمەن, ساتىپ الۋشىلار كٶبٸنە گيبريدتٸ تٷرٸن تاڭداعان.
كٶلٸك 1,5 ليترلٸك 96 ات كٷشٸنە يە بەنزين قوزعالتقىشىمەن جەنە ارتقى وسكە ورناتىلعان 241 ات كٷشٸندەگٸ ەلەكترموتورىمەن جابدىقتالعان. ەلەكتر قۋاتىمەن 121–200 شاقىرىمعا دەيٸن جٷرە الادى, ال ٶندٸرۋشٸ مەلٸمدەگەن جالپى جٷرٸس قورى 1280 شاقىرىمدى قۇرايدى. دەگەنمەن Kolesa.kz رەداكتسيياسىنىڭ سىناقتارى ناقتى كٶرسەتكٸشتٸڭ بۇدان تٶمەن ەكەنٸن كٶرسەتكەن.
2-ورىن – Changan CS55 Plus
ەكٸنشٸ ورىنعا Changan CS55 Plus تۇراقتادى. بۇل كروسسوۆەر قازاقستانداعى رەسمي ديلەرلەردە 10,5–11 ملن تەڭگە ارالىعىندا ساتىلادى. ال رەستايلينگكە دەيٸنگٸ نۇسقاسىنىڭ باعاسى 9,3–10 ملن تەڭگەنٸ قۇرايدى.
ەكٸ نۇسقا دا 181 ات كٷشٸندەگٸ 1,5 ليترلٸك تۋربوقوزعالتقىشپەن جەنە 7 ساتىلى روبوتتاندىرىلعان بەرٸلٸس قورابىمەن جابدىقتالعان.
سونىمەن قاتار جەكە يمپورتتاۋشىلار قىتاي نارىعىنا ارنالعان جاڭارتىلعان بۋىنىن دا ۇسىنۋدا.
3-ورىن – Kia Sportage
ٷزدٸك ٷشتٸكتٸ Kia Sportage تٷيٸندەدٸ. بۇل مودەل رەسمي اۆتوسالوندارداعى ساتىلىمدا دا كٶشباسشىلار قاتارىندا.
قازاقستاندا نەگٸزٸنەن قوستانايدا قۇراستىرىلعان Sportage ساتىلسا, جەكە يمپورت ارقىلى قىتايدان جەتكٸزٸلگەن Sportage Ace نۇسقالارى دا كەزدەسەدٸ. بۇل مودەل سىرتقى كەلبەتٸمەن عانا ەمەس, كٶلەمٸ جاعىنان دا ەرەكشەلەنەدٸ. ونىڭ ۇزىندىعى مەن دوڭعالاق بازاسى كەدٸمگٸ Sportage-كە قاراعاندا ىقشام.
قىتايلىق نۇسقالار 200 ات كٷشٸندەگٸ 1,5 ليترلٸك تۋربوموتور نەمەسە 161 ات كٷشٸندەگٸ 2 ليترلٸك اتموسفەرالىق قوزعالتقىشپەن ۇسىنىلادى. باعاسى 11,7 ملن تەڭگەدەن باستالادى.
4-ورىن – Changan CS75 Plus
تٶرتٸنشٸ ورىندا Changan CS75 Plus ورنالاسقان.
2026 جىلعى شىعارىلىمداعى بۇل مودەل رەسمي ديلەرلەردە 11,6–14 ملن تەڭگە ارالىعىندا باعالانادى. ول 181 ات كٷشٸندەگٸ 1,5 ليترلٸك تۋربوموتور نەمەسە 235 ات كٷشٸندەگٸ 2 ليترلٸك قوزعالتقىشپەن ۇسىنىلادى. قۋاتتى نۇسقاسى تولىق جەتەكپەن جابدىقتالعان.
پاراللەل يمپورت ارقىلى جەتكٸزٸلگەن كٶلٸكتەردٸڭ باعاسى شامامەن 10 ملن تەڭگەدەن باستالادى جەنە كەيبٸر نۇسقالارى بۇدان دا ارزان.
5-ورىن – Kia Seltos
ال العاشقى بەستٸكتٸ Kia Seltos قورىتىندىلادى.
بۇل كروسسوۆەردٸ رەسمي ديلەرلەردەن دە, جەكە يمپورتتاۋشىلاردان دا ساتىپ الۋعا بولادى. قازاقستاندا قۇراستىرىلعان نۇسقالارى 2 ليترلٸك قوزعالتقىشپەن جەنە ۆارياتورمەن جابدىقتالىپ, باعاسى 11–13,5 ملن تەڭگە ارالىعىندا.
ال قىتايدان جەتكٸزٸلەتٸن Seltos 1,5 ليترلٸك قوزعالتقىشپەن, الدىڭعى جەتەكپەن جەنە CVT بەرٸلٸس قورابىمەن ۇسىنىلادى. ونىڭ باعاسى 10,2 ملن تەڭگەدەن باستالادى. الايدا 2026 جىلى مۇنداي كٶلٸكتەردٸڭ ساتىلىمداعى سانى ايتارلىقتاي ازايعان.
