قازاقستان جاڭا تۋعان نەرەستەلەرگە مەديتسينالىق كٶمەك كٶرسەتۋ ساپاسى بويىنشا ورتالىق ازييا ەلدەرٸ اراسىندا جەتەكشٸ ورىنعا شىقتى. بۇل تۋرالى دٷنيەجٷزٸلٸك بانك, دٷنيەجٷزٸلٸك دەنساۋلىق ساقتاۋ ۇيىمى (ددۇ), يۋنيسەف, بۇۇ جەنە IGME-نٸڭ بٸرلەسكەن ەسەبٸندە ايتىلعان, دەپ حابارلايدى ult.kz.
2025 جىلدىڭ قورىتىندىسى بويىنشا ەلٸمٸزدە نەوناتالدىق ٶلٸم-جٸتٸم دەڭگەيٸ (نەرەستەنٸڭ ٶمٸرٸنٸڭ العاشقى 28 كٷنٸندەگٸ ٶلٸمٸ) 1000 تٸرٸ تۋعان سەبيگە شاققاندا 3,04 بولدى. بۇل – ورتالىق ازيياداعى ەڭ تٶمەن كٶرسەتكٸشتەردٸڭ بٸرٸ جەنە اقش دەڭگەيٸمەن شامالاس.
دەنساۋلىق ساقتاۋ مينيسترلٸگٸنٸڭ مەلٸمەتٸنشە, قازاقستاندىق نەوناتولوگتار مەن رەانيماتولوگتار سالماعى نەبەرٸ 500 گرامم بولىپ تۋعان نەرەستەلەردٸ دە امان الىپ قالۋ ٷشٸن جوعارى تەحنولوگييالىق مەديتسينالىق كٶمەك كٶرسەتەدٸ. زاماناۋي پەريناتالدىق تەحنولوگييالار مەن دەرٸگەرلەردٸڭ كەسٸبي بٸلٸكتٸلٸگٸنٸڭ ارقاسىندا سوڭعى جىلدارى مۇنداي سەبيلەردٸڭ ٶمٸر سٷرۋ كٶرسەتكٸشٸ تٶرت ەسەگە ارتقان.
جاڭا تۋعان نەرەستەلەردٸڭ قارقىندى تەراپييا بٶلٸمشەلەرٸندە جۇمىس ٸستەيتٸن بٸر مەيٸرگەر بٸر اۋىسىمدا سەبيدٸڭ ٶمٸرٸن ساقتاۋ ٷشٸن 20-عا دەيٸن دەل مەديتسينالىق مانيپۋلياتسييا ورىندايدى. ارنايى مەديتسينالىق جابدىقتار مەن ماماندار نەرەستەنٸڭ ەربٸر تىنىسىن ٷزدٸكسٸز باقىلاپ وتىرادى.
ٶتكەن جىلى قازاقستاندا 17 مىڭعا جۋىق شالا تۋعان سەبي دٷنيەگە كەلگەن. ولاردىڭ بارلىعى جوعارى تەحنولوگييالىق مەديتسينالىق كٶمەكتٸڭ تولىق كەشەنٸن العان.
دەنساۋلىق ساقتاۋ مينيسترلٸگٸ بۇل نەتيجەلەر انا مەن بالا دەنساۋلىعىن قورعاۋ جٷيەسٸن تۇراقتى دامىتۋ, زاماناۋي مەديتسينالىق تەحنولوگييالاردى ەنگٸزۋ جەنە مەديتسينا قىزمەتكەرلەرٸنٸڭ كەسٸبي ەڭبەگٸنٸڭ جەمٸسٸ ەكەنٸن اتاپ ٶتتٸ.
