«QAZAQSTAN» تەلەارناسىندا ناۋرىز مەيرامىنا ارنالعان بەينەباياننىڭ تۇساۋى كەسٸلدٸ, دەپ حابارلايدى قازاقپارات.
ۇلىستىڭ ۇلى كٷنٸنە وراي ارنايى جازىلعان «بەۋ, ناۋرىز!» ەنٸنٸڭ اۆتورى - سىرىم نەبيقۇلوۆ, سٶزٸن اقىن ەرلان جٷنٸس جازعان. رەجيسسەرٸ – جانسايا كٶپباەۆا.
بەينەبايان الماتى وبلىسىنىڭ كٶرٸكتٸ جەرلەرٸ مەن ٸلە ٶزەنٸنٸڭ بويىندا, ارنايى تۇرعىزىلعان نىساندا, «كٶشپەندٸلەر» فيلمٸنٸڭ دەكوراتسيياسىندا تٷسٸرٸلدٸ.
تۋىندىنى دەستٷرلٸ ەنشٸلەر ارداق بالاجانوۆا, ايگٷل قوسانوۆا, ەرلان رىسقالي جەنە ٶتكەن جىلى ۇلتتىق ارنا ۇسىنعان «Qazaqstan داۋىسى» جوباسىنىڭ جەڭٸمپازى قۇرالاي مەيرامبەك ورىنداپ شىقتى. «باستاۋ» توبى دومبىرامەن سٷيەمەلدەپ, بەينەباياننىڭ نەگٸزگٸ كەيٸپكەرلەرٸ رەتٸندە ارنانىڭ «Aqparat», «Apta», «تاڭشولپان» باعدارلاماسىنىڭ جٷرگٸزۋشٸلەرٸ قاتىستى.
بەينەباياننىڭ نەگٸزگٸ يدەياسى عاسىرلار بويعى كٶشپەلٸلەر تاريحى مەن «جاڭا قازاقستاننىڭ» ۇلتتىق مەدەنيەتٸن ۇشتاستىرۋ, جاڭارۋ مەن جاڭعىرۋدىڭ كٶرٸنٸسٸن بەينەلەۋ. «ناۋرىز مەيرامىنىڭ مەنٸ جاڭارۋ, جاڭا كٷن دەگەندٸ بٸلدٸرسە, قازاق حالقى دەل قازٸر شىنايى جاڭارۋ مەن جاڭعىرۋ كەزەڭٸن ٶتكەرۋدە. بەينەباياندا ۇلىس كٷنٸنٸڭ مەن-ماعىناسىن اشۋمەن قوسا, حالقىمىزدىڭ بٷگٸنگٸ رۋحاني بەلەسٸن بەينەلەۋدٸ, كەلەر كٷنگە دەگەن ايرىقشا ٷمٸتٸن كٶرسەتۋدٸ ماقسات ەتتٸك», - دەيدٸ رەجيسسەر جانسايا كٶپباەۆا.
بەينەباياننىڭ شىعارماشىلىق توپ قۇرامىنا كينووپەراتور ەركٸنبەك پٸتٸرەليەۆ, قويۋشى-سۋرەتشٸ نۇربولات جاپاقوۆ, مونتاج رەجيسسەرٸ رەتٸندە نۇرتاس مامىتپاي شاقىرىلدى.
ەننٸڭ سٶزٸ تٷرٸك جەنە اعىلشىن تٸلٸنە اۋدارىلىپ, بەينەبايان حالىقارالىق اۋديتوريياعا جول تارتپاق.
