قازاقستاننىڭ ەرلەر قۇراماسى شپاگامەن سەمسەرلەسۋدەن تاريحتا تۇڭعىش رەت ەلەم چەمپيونى اتاندى, دەپ حابارلايدى ult.kz.
گونكونگتە (قىتاي) ٶتكەن ەلەم چەمپيوناتىنىڭ فينالىندا قازاقستاندىقتار ۋكراينا قۇراماسىمەن كەزدەستٸ. فينالدىڭ تاعى بٸر ەرەكشەلٸگٸ – قازاقستان قۇراماسىنىڭ باس باپكەرٸ, ۋكراينالىق مامان الەكساندر گورباچۋكتىڭ ٶز ەلٸنٸڭ قۇراماسىنا قارسى شىققانى بولدى.
فينالداعى قازاقستان قۇراماسىنىڭ ساپىندا ۆاديم شارلايموۆ, ەرلٸك سەرتاي, كيريلل پروحودوۆ جەنە رۋسلان كۋربانوۆ ٶنەر كٶرسەتتٸ.
العاشقى جەكپە-جەكتەردە قوس كوماندا بٸر-بٸرٸن بارلاپ, تٸپتٸ ەنجار ەرەكەت ەتكەنٸ ٷشٸن ەكٸ جاق تا ەسكەرتۋ الدى. الايدا كەزدەسۋدٸڭ العاشقى ٷشتەن بٸر بٶلٸگٸنەن كەيٸن قازاقستان قۇراماسى ەكٸ ۇپاي ايىرماسىمەن العا شىقتى.
كەزدەسۋدٸڭ ورتاسىندا ۆاديم شارلايموۆ اياعىن جەڭٸل جاراقاتتاپ الىپ, مەديتسينالىق ٷزٸلٸس جاساۋعا مەجبٷر بولدى. سوعان قاراماستان باپكەر ونى الماستىرماي, ٷزٸلٸستەن كەيٸن شارلايموۆ تٶرت ۇپايلىق سەتتٸ سەرييا جاساپ, كومانداسىنىڭ باسىمدىعىن ارتتىردى.
ماتچتىڭ سوڭىنا قاراي ۋكراينا قۇراماسى ەسەپ ايىرماسىن ەكٸ ۇپايعا دەيٸن قىسقارتتى.
الايدا جاراقاتىنا بايلانىستى ۆاديم شارلايموۆ فينالداعى سوڭعى جەكپە-جەگٸنە شىعا المادى. ونىڭ ورنىنا ەلدەگٸ ەلەم چەمپيوناتتارىنىڭ جەكە سىنىندا جٷلدە العان جالعىز سەمسەرلەسۋشٸ رۋسلان كۋربانوۆ شىقتى.
سوڭعى ايقاس الدىندا قازاقستان قۇراماسى بەس ۇپاي باسىمدىققا يە بولدى. شەشۋشٸ جەكپە-جەككە 19 جاستاعى كيريلل پروحودوۆ شىعىپ, جاۋاپكەرشٸلٸكتٸ سەتتٸ ەڭسەرٸپ, ماتچتى جەڭٸسپەن اياقتادى.
قورىتىندى ەسەپ – 45:40. قازاقستان قۇراماسى العاش رەت ەلەم چەمپيونى اتاندى.
ايتا كەتەيٸك, تۋرنير باستالار الدىندا قازاقستان قۇراماسى ەلەمدٸك رەيتينگتە 5-ورىندا تۇرعان بولاتىن. سوندىقتان بۇل جەڭٸستٸ كٷتپەگەن ەرٸ سەنساتسييالىق نەتيجە دەۋگە بولادى.
قولا جٷلدەنٸ تارتىستى بەسەكەدە مىسىر قۇراماسى جەڭٸپ الدى. ايتا كەتەيٸك, قازاقستاندىقتار بۇل كوماندانى جارتىلاي فينالدا جەڭگەن بولاتىن.
گونكونگتە ٶتٸپ جاتقان ەلەم چەمپيوناتىندا قازاقستان قۇراماسى فينلياندييا, ٶزبەكستان, دانييا جەنە مىسىر قۇرامالارىن جەڭٸپ شىقتى.
ەڭ تارتىستى كەزدەسۋ ٶزبەكستان قۇراماسىنا قارسى ٶتتٸ. بۇل ماتچتا قازاقستاندىق سەمسەرلەسۋشٸلەر ەسەپتەگٸ باسىمدىقتى قايتارىپ, سوڭعى سەتتە بٸر عانا ۇپاي ايىرماسىمەن جەڭٸسكە جەتتٸ.
ەسكە سالايىق, بۇعان دەيٸن قازاقستان قۇراماسىنىڭ ەلەم چەمپيوناتتارىنداعى ەڭ ٷزدٸك نەتيجەسٸ ٶتكەن جىلى گرۋزييادا جەڭٸپ العان قولا جٷلدە بولاتىن.
تاريحي التىن مەدالدان كەيٸن كوماندا كٶشباسشىسى رۋسلان كۋربانوۆ Tengri Sport باسىلىمىنا بەرگەن سۇحباتىندا قازاقستانداعى سەمسەرلەسۋ سپورتىنىڭ دامۋى تۋرالى پٸكٸر بٸلدٸردٸ.
