قازاقستان ەنەرگەتيكا مينيسترلٸگٸنٸڭ باسپاسٶز قىزمەتٸنٸڭ حابارلاۋىنشا, رەسەي ٷكٸمەتٸنەن وتىن ساتىپ الۋ جٶنٸندە رەسمي ٶتٸنٸش ەزٸرگە تٷسپەگەن, دەپ حابارلايدى ult.kz.
الايدا تٷسكەن جاعدايدا قازاقستان “ٶزارا تيٸمدٸ كوممەرتسييالىق شارتتار نەگٸزٸندە جانار-جاعارماي ماتەريالدارىن جەتكٸزۋ مٷمكٸندٸگٸن قاراستىرۋعا دايىن”.
“قازاقستاننىڭ ٸشكٸ نارىعىن تولىق ەرٸ ٷزدٸكسٸز قامتاماسىز ەتۋ – سٶزسٸز باسىمدىق بولىپ قالا بەرەدٸ. ەكسپورتتىق جەتكٸزٸلٸمدەر ازاماتتار مەن ەل ەكونوميكاسىنىڭ قاجەتتٸلٸكتەرٸن قامتاماسىز ەتۋگە قاۋٸپ تٶنبەگەن جاعدايدا عانا جٷزەگە اسىرىلۋى مٷمكٸن” دەپ جازىلعان مينيسترلٸكتٸڭ حابارلاماسىندا.
بۇعان دەيٸن Reuters سالاداعى تٶرت دەرەككٶزگە سٷيەنە وتىرىپ, قازاقستان شٸلدە-تامىزدا رەسەيگە 50 مىڭ توننا بەنزيندٸ گۋمانيتارلىق كٶمەك رەتٸندە جەتكٸزۋگە كەلٸستٸ دەپ جازعان ەدٸ. قازاقستان ەنەرگەتيكا مينيسترلٸگٸ اقپارات اگەنتتٸگٸنە رەسەي ٷكٸمەتٸنەن جانارمايدى گۋمانيتارلىق كٶمەك رەتٸندە جەتكٸزۋ تۋرالى رەسمي سۇرانىس تٷسپەگەنٸن ايتقان.
دەگەنمەن مينيسترلٸك رەسەيدٸڭ "تاتنەفت" مۇناي كومپانيياسى جەتكٸزەتٸن نافتانى (تٸكەلەي ايدالعان بەنزيندٸ) ٶڭدەيتٸن باتىس قازاقستان وبلىسىنداعى "كوندەنسات" زاۋىتىنان جانارماي جەتكٸزٸلۋٸ مٷمكٸن ەكەنٸن جوققا شىعارماعان.
"كوندەنسات" جشس ٶندٸرەتٸن اۆتوكٶلٸك بەنزينٸن جاقىن ارادا رەسەيگە جەتكٸزۋ مٷمكٸندٸگٸ قازاقستاننىڭ ٸشكٸ نارىعىنداعى مۇناي ٶنٸمدەرٸنٸڭ جەتكٸلٸكتٸلٸك دەڭگەيٸنە بايلانىستى بولماق. مۇنداي جەتكٸزٸلٸم جٷزەگە اسىرىلسا, اۆتوكٶلٸك بەنزينٸ رەسەيدٸڭ "تاتنەفت" كومپانيياسى بەرەتٸن شيكٸزاتتان ٶندٸرٸلەدٸ", — دەلٸنگەن اگەنتتٸككە بەرٸلگەن جاۋاپتا.
اقپارات اگەنتتٸگٸنٸڭ حابارلاۋىنشا اي-95 جەنە اي-92 ماركالى بەنزيندەرٸ باتىس قازاقستان وبلىسىنداعى "كوندەنسات" زاۋىتىنان جەنە پاۆلودارداعى مۇناي ٶڭدەۋ زاۋىتىنان جٶنەلتٸلۋٸ تيٸس.
