MICHELIN Guide ەلەمدەگٸ ەڭ ٷزدٸك قوناقٷيلەردٸڭ حالىقارالىق تٸزٸمٸن — MICHELIN Key Selection 2026 جيناعىن جارييالادى. قازاقستان بۇل بەدەلدٸ گيدتٸڭ گەوگرافيياسىنا العاش رەت ەنٸپ وتىر: وتاندىق قوناقٷيلەر بەدەلدٸ جيناققا قوسىلىپ قانا قويماي, MICHELIN Key ارنايى بەلگٸسٸنە يە بولدى, دەپ حابارلايدى ult.kz.
MICHELIN Key — قوناقٷي سالاسىنداعى كۋلينارييالىق «ميشلەن جۇلدىزىنىڭ» رەسمي بالاماسى. تەۋەلسٸز ەرٸ انونيمدٸ ينسپەكتسييا قورىتىندىسى بويىنشا ەلٸمٸزدەگٸ 5 قوناقٷي One MICHELIN Key («بٸر ميشلەن كٸلتٸ») بەلگٸسٸنە يە بولدى:
- The Veil Hotel (استانا ق.)
- The St. Regis Astana (استانا ق.)
- The Ritz-Carlton, Astana (استانا ق.)
- The Ritz-Carlton, Almaty (الماتى ق.)
- Tenir Eco Hotel (الماتى ق.)
بۇدان بٶلەك, MICHELIN Guide ۇسىنىستارىنىڭ جالپى ساناتىنا قازاقستاننىڭ تاعى 9 قوناقٷيٸ ەندٸ. ولاردىڭ قاتارىندا: Sheraton Astana Hotel, Swissôtel Wellness Resort Alatau Almaty, Qazaq Auyl Eco Hotel, Qazaq Garden, Donatello Premium Almaty, Radisson Blu Hotel Almaty Airport, Zvezdnaya Eco-Hotel, YURTA Boutique Hotel جەنە Medina Palace Hotel بار.
MICHELIN ساراپشىلارى ەلٸمٸزدٸڭ جاھاندىق تۋريزمدەگٸ ٶسٸپ كەلە جاتقان تارتىمدىلىعىن ەرەكشە اتاپ ٶتتٸ:
«العاشقى «ميشلەن كٸلتٸ» — بۇل ٷلكەن قۋانىش ەرٸ ساياحاتشىلار ٷشٸن قالىپتاسقان دەستٷرلٸ باعىتتاردان تىس ايماقتارعا كٶز تاستاۋعا جاسالعان شاقىرۋ. بوتسۆاناداعى سافاريدەن باستاپ قازاقستان ەلورداسىنداعى سەۋلەت وازيسٸنە دەيٸن — وسى بەس ەلدٸڭ قوناقٷيلەرٸ ساپارعا شىعۋعا مٷلدەم ٶزگەشە سەبەپتەر ۇسىنادى جەنە ينسپەكتورلارىمىز ەدەتتەگٸ تۋريستٸك كارتالاردان تىس جەرلەردەن نە تاپقانىن كٶرسەتەدٸ».
قازاقستاندىق قوناقٷيلەردٸڭ بۇل مەرتەبەلٸ تٸزٸمگە ەنۋٸ — «Kazakh Tourism» ۇك» اق-نىڭ تۋريستٸك ينفراقۇرىلىمدى جٷيەلٸ دامىتۋعا جەنە قوناقجايلىلىق ستاندارتتارىن ارتتىرۋعا باعىتتالعان ستراتەگييالىق باستامالارىنىڭ ارقاسىندا مٷمكٸن بولدى. حالىقارالىق دەڭگەيدەگٸ مۇنداي باعا قازاقستاننىڭ جوعارى ساپالى تۋريزم ورتالىعى رەتٸندەگٸ بەدەلٸن ارتتىرىپ, شەتەلدٸك تۋريستەر ٷشٸن تارتىمدىلىعىن كٷشەيتە تٷسەدٸ.
«قازاقستاننىڭ ەلەمدٸك MICHELIN كارتاسىنان كٶرٸنۋٸ — وتاندىق قوناقٷيلەردەگٸ جوعارى قىزمەت ساپاسى مەن ەرەكشە بولمىستىڭ حالىقارالىق دەڭگەيدە مويىندالۋى. حالىقارالىق تٸزٸمگە بٸردەن 14 نىساننىڭ ەنۋٸ ەلدەگٸ قوناقٷي بيزنەسٸنٸڭ بەسەكەگە قابٸلەتتٸلٸگٸن دەلەلدەيدٸ ەرٸ بٷكٸل تۋريزم ينفراقۇرىلىمىنىڭ دامۋىنا ٷلكەن سەرپٸن بەرەدٸ. ەندٸگٸ باستى مٸندەتٸمٸز — وسى جوعارى باعانى ەلگە كەلەتٸن ساياحاتشىلار اعىنىن ارتتىرۋعا باعىتتاپ, قازاقستاندى ورتالىق ازيياداعى باستى تۋريستٸك باعىت رەتٸندە ورنىقتىرۋ», — دەپ اتاپ ٶتتٸ «Kazakh Tourism» ۇك» اق باسقارما تٶراعاسى تالعات عازيزوۆ.
ايتا كەتەيٸك, MICHELIN Key بەلگٸسٸ 2024 جىلى قوناقٷي سالاسىن تەۋەلسٸز باعالاۋ ٷشٸن قۇرىلعان. باعالاۋ بارىسىندا 1900 جىلدان بەرٸ مەيرامحانالارعا قولدانىلىپ كەلە جاتقان قاتاڭ ەدٸستەمە مەن جوعارى تالاپتار نەگٸزگە الىنادى. نىسانداردى انونيمدٸ ينسپەكتورلار بەس ەمبەباپ كريتەريي بويىنشا باعالايدى: قوناقٷيدٸڭ قوناققا ٶڭٸردٸڭ بولمىسىن اشا بٸلۋٸ, سەۋلەتٸ مەن ينتەرەر ديزاينىنىڭ ساپاسى, قىزمەت كٶرسەتۋ ساپاسى مەن جايلىلىقتىڭ تۇراقتىلىعى, باعا مەن كٶرسەتٸلگەن قىزمەتتٸڭ سەيكەستٸگٸ, سونداي-اق نىساننىڭ دارالىعى مەن ٶزٸندٸك كولوريتٸ.
One MICHELIN Key («ەرەكشە دەمالىس») بەلگٸسٸ ٶزٸندٸك سيپاتى بار جەنە ٶز دەڭگەيٸندەگٸ ورتاشا سالالىق كٶرسەتكٸشتەردەن ەلدەقايدا جوعارى قىزمەت كٶرسەتەتٸن قوناقٷيلەرگە بەرٸلەدٸ.
