قازاقستاندا جولاۋشىلار پويىزدارىن سپۋتنيكتٸك ينتەرنەتپەن جابدىقتاۋ جۇمىستارى جالعاسىپ جاتىر. قازٸردٸڭ ٶزٸندە 31 باعىتتاعى 59 پويىز قۇرامىنىڭ 770-تەن استام ۆاگونىندا Starlink ينتەرنەتٸ قولجەتٸمدٸ, دەپ حابارلايدى ult.kz.
جوبا تسيفرلىق ينفراقۇرىلىمدى دامىتۋ جەنە جولاۋشىلار تاسىمالىنىڭ ساپاسىن ارتتىرۋ ماقساتىندا جٷزەگە اسىرىلىپ وتىر.
جوسپار بويىنشا قىركٷيەك ايىنىڭ سوڭىنا دەيٸن 50 باعىتتاعى 124 پويىز قۇرامىن, ياعني 1 235 ۆاگوندى سپۋتنيكتٸك ينتەرنەتپەن قامتۋ كٶزدەلگەن.
سپۋتنيكتٸك ينتەرنەتتٸ پويىزداردا سىناقتان ٶتكٸزۋ جۇمىستارى 2025 جىلى باستالعان. العاشقى جوبالار استانا – الماتى, استانا – ٶسكەمەن, استانا – بۋراباي, استانا – سەمەي جەنە الماتى – ماڭعىشلاق باعىتتارىندا جٷزەگە اسىرىلدى. 2026 جىلى جوبا كەڭ كٶلەمدە ەنگٸزٸلە باستادى.
قازٸر ينتەرنەت نۇرلى جول – الماتى, نۇرلى جول – ٶسكەمەن, نۇرلى جول – ورال, نۇرلى جول – پەتروپاۆل, الماتى-2 – ٶسكەمەن, قىزىلوردا – سەمەي, اقتٶبە – الماتى-1, ماڭعىستاۋ – اقتٶبە, ورال – ماڭعىستاۋ, اقتٶبە – قازالى, اقتٶبە – اتىراۋ جەنە پاۆلودار – الماتى باعىتتارىندا قولجەتٸمدٸ.
سپۋتنيكتٸك بايلانىس ارقىلى ينتەرنەت جىلدامدىعى سەكۋندىنا 100 مبيتكە دەيٸن جەتەدٸ. تٶمەن وربيتالى سپۋتنيكتەردٸڭ كٶمەگٸمەن دەستٷرلٸ بايلانىس جەلٸلەرٸ ناشار قامتيتىن تەمٸرجولدىڭ شالعاي ۋچاسكەلەرٸندە دە ينتەرنەتكە قوسىلۋعا مٷمكٸندٸك بار.
جولاۋشىلارعا ينتەرنەتتٸڭ بازالىق تەگٸن پاكەتٸ ۇسىنىلادى. ونىڭ اياسىندا WhatsApp پەن Telegram ارقىلى مەتٸندٸك حابارلامالار جٸبەرۋگە قوسىمشا اقى الىنبايدى. ال ينتەرنەتتٸ تولىققاندى پايدالانعىسى كەلەتٸن جولاۋشىلارعا قوسىمشا تاريفتٸك پاكەتتەر ۇسىنىلادى.
جوبا پويىزداردا جۇمىس ٸستەۋ, ونلاين وقۋ, جاقىندارمەن بايلانىستا بولۋ, سونداي-اق مەملەكەتتٸك جەنە بانكتٸك قىزمەتتەردٸ پايدالانۋ مٷمكٸندٸگٸن كەڭەيتەدٸ.
سونىمەن قاتار سپۋتنيكتٸك ينتەرنەتتٸ ەنگٸزۋ بولاشاقتا پويىزداردا مۋلتيمەدييالىق جەنە باسقا دا تسيفرلىق سەرۆيستەردٸ دامىتۋعا مٷمكٸندٸك بەرەتٸن تەحنولوگييالىق نەگٸز قالىپتاستىرماق.
