قازاقستانعا كەلگەن OpenAI دەلەگاتسيياسى پرەمەر-مينيستردٸڭ ورىنباسارى – جاساندى ينتەللەكت جەنە تسيفرلىق دامۋ مينيسترٸ جاسلان مەديەۆمەن كەزدەستٸ, دەپ حابارلايدى ult.kz.
تاراپتار جاساندى ينتەللەكت سالاسىنداعى ىنتىماقتاستىقتى دامىتۋ, بٸرلەسكەن بٸلٸم بەرۋ جوبالارىن ٸسكە اسىرۋ جەنە ChatGPT Edu پلاتفورماسىن ەنگٸزۋ مەسەلەلەرٸن تالقىلادى.
كەزدەسۋ بارىسىندا OpenAI ٶكٸلدەرٸ قازاقستانداعى جاساندى ينتەللەكتتٸ پايدالانۋ دەڭگەيٸنە قاتىستى زەرتتەۋ نەتيجەلەرٸن تانىستىردى. وعان سەيكەس, قازاقستان ورتالىق ازيياداعى جاساندى ينتەللەكت قۇرالدارىن پايدالانۋدا كٶشباسشى ەلدەردٸڭ بٸرٸ سانالادى.
زەرتتەۋ مەلٸمەتٸنشە, قازاقستاندىقتار ChatGPT-دٸ كٶبٸنە پراكتيكالىق نۇسقاۋلىقتار الۋ (32,8%), مەتٸن جازۋ جەنە ٶڭدەۋ (25%), سونداي-اق اقپارات ٸزدەۋ (18%) ٷشٸن قولدانادى. پايدالانۋشىلاردىڭ نەگٸزگٸ بٶلٸگٸن 18-34 جاس ارالىعىنداعى جاستار قۇرايدى. بۇل جاس ساناتى بارلىق سۇرانىستاردىڭ 72 پايىزىن قامتيدى.
جاسلان مەديەۆتٸڭ ايتۋىنشا, زەرتتەۋ نەتيجەلەرٸ قازاقستاندىقتاردىڭ جاڭا تەحنولوگييالاردى كٷندەلٸكتٸ ٶمٸردە بەلسەندٸ پايدالانىپ وتىرعانىن كٶرسەتەدٸ.
«ازاماتتار جاساندى ينتەللەكتتٸ بٸلٸم الۋ, جۇمىس مٸندەتتەرٸن ورىنداۋ, اقپارات ٸزدەۋ جەنە كونتەنت جاساۋ ٷشٸن كەڭٸنەن قولدانىپ جٷر. بۇل قازاقستاننىڭ ٶڭٸردەگٸ تەحنولوگييالىق كٶشباسشى رەتٸندەگٸ پوزيتسيياسىن نىعايتۋعا مٷمكٸندٸك بەرەدٸ», – دەدٸ مينيستر.
OpenAI-دٸڭ بٸلٸم بەرۋ سالاسىنداعى حالىقارالىق باعىتىنىڭ جەتەكشٸسٸ ۆالەري فوككە قازاقستاندا ChatGPT پايدالانۋ دەڭگەيٸ حالىقارالىق كٶرسەتكٸشتەر بويىنشا جوعارى ەكەنٸن اتاپ ٶتتٸ.
ونىڭ سٶزٸنشە, كەلەسٸ كەزەڭدە جاساندى ينتەللەكت قۇرالدارىن تيٸمدٸ ەرٸ جاۋاپتى قولدانۋ داعدىلارىن دامىتۋعا باسىمدىق بەرٸلەدٸ.
ايتا كەتەيٸك, قازاقستاندا جٷزەگە اسىرىلىپ جاتقان ۇلتتىق جوبا اياسىندا ەلٸمٸزدەگٸ 165 مىڭ پەداگوگ ارنايى بٸلٸم بەرۋ ۇيىمدارىنا ارنالعان ChatGPT Edu نۇسقاسىنا قول جەتكٸزەدٸ. جوبانىڭ تەحنولوگييالىق سەرٸكتەسٸ – Bilim Group. كومپانييا OpenAI شەشٸمدەرٸن مەكتەپتەر, كوللەدجدەر جەنە جوعارى وقۋ ورىندارىنىڭ بٸلٸم بەرۋ پروتسەسٸنە ەنگٸزۋمەن اينالىسادى.
OpenAI دەلەگاتسيياسىنىڭ ساپارى قازاقستاندا جاساندى ينتەللەكتتٸ بٸلٸم بەرۋ جٷيەسٸنە كەڭٸنەن ەنگٸزۋگە باعىتتالعان ۇلتتىق باستاما اياسىندا ۇيىمداستىرىلدى.
