«قازاقستان» تەلەراديوكورپوراتسيياسى وتاندىق كەسٸپقوي بوكسشىلارىمىزدىڭ جەكپە-جەكتەرٸن «Qazaqstan» جەنە «Qazsport» تەلەارنالارىندا كٶرسەتۋ قۇقىعىنا يە بولدى, دەپ حابارلايدى قازاقپارات.
«4 قاراشا كٷنٸ اقش-تىڭ تەحاس شتاتىنداعى ەل-پاسوداعى Don Haskins Convention Center كەشەنٸندە قازاق بوكسشىلارى جەنٸبەك ەلٸمحانۇلى مەن ساعادات راحمانقۇل بوكس كەشٸنٸڭ اندەكارتىندا شارشى الاڭعا شىعادى. باستى جەكپە-جەك مەكسيكالىق ميگەل بەرچەلت (34-1, 30 كو) پەن ميگەل رومان (60-12, 47 كو) اراسىندا ٶتەدٸ» دەلٸنگەن كورپوراتسييا تاراتقان حابارلامادا.
بۇل - جەنٸبەك ەلٸمحانۇلىنىڭ (3-0, 1 كو) كەسٸپقوي بوكستاعى تٶرتٸنشٸ جەكپە-جەگٸ. ونىڭ قارسىلاسى - 32 جاستاعى امەريكالىق بىلعارى قولعاپ شەبەرٸ ۆون الەكساندر (12-1, 8 كو). ال, ساعادات راحمانقۇل (3-0, 1 كو) پۋەرتو-ريكالىق نيكلاۋس فلازبەن (5-1, 4 كو) قولعاپ تٷيٸستٸرەدٸ.
ايتا كەتەيٸك, جەنٸبەك ەلٸمحانۇلىنىڭ ەۋەسقوي بوكستا قول جەتكٸزگەن جەتٸستٸكتەرٸ بٸر تٶبە. ول - ەلەم جەنە ازييا چەمپيونى, ازييا ويىندارىنىڭ جەڭٸمپازى, قازاقستاننىڭ بٸرنەشە دٷركٸن چەمپيونى. 2018 جىلى جەنٸبەك كەسٸپقوي بوكسقا اۋىسىپ, 3 جەكپە-جەك ٶتكٸزٸپ ٷلگەردٸ. بارلىعىندا جەڭٸسكە جەتٸپ, بٸرەۋٸن نوكاۋتپەن اياقتادى. ال, قارسىلاسى ۆون الەكساندر كەسٸپقوي بوكستا 13 جەكپە-جەك ٶتكٸزٸپ, 12-سٸندە جەڭٸسكە جەتكەن. 8 كەزدەسۋٸن نوكاۋتپەن اياقتاعان. ساعادات راحمانقۇل ەۋەسقوي بوكستا 69 كەلٸگە دەيٸنگٸ سالماقتا 2013 جىلى ەل بٸرٸنشٸلٸگٸندە توپ جارىپ, ال 2014 جىلى كٷمٸس جٷلدەگەر اتانعان بولاتىن.
وتانداستارىمىزدىڭ جەكپە-جەكتەرٸن «Qazaqstan» مەن «Qazsport» تەلەارنالارى 4 قاراشا كٷنٸ, ساعات 04:00-دە تٸكەلەي ەفيردە كٶرسەتەدٸ.
