قازاقستان ازاماتتارىن وڭتٷستٸك كورەيا رەسپۋبليكاسىنا جۇمىسقا ورنالاستىرۋ Employment Permit System (EPS) جٷيەسٸ ارقىلى جٷزەگە اسىرىلادى. ٸرٸكتەۋدٸڭ پراكتيكالىق كەزەڭٸ الماتى قالاسىندا EPS ورتالىعى اشىلعاننان كەيٸن باستالادى, دەپ حابارلايدى ult.kz.
قازاقستان رەسپۋبليكاسىنىڭ ەڭبەك جەنە حالىقتى ەلەۋمەتتٸك قورعاۋ مينيسترلٸگٸ حابارلاعانداي كانديداتتار كورەي تٸلٸن EPS-TOPIK تەستٸ ارقىلى تاپسىرىپ, كەسٸبي بٸلٸمٸ مەن داعدىلارىن كٶرسەتەدٸ. ٸرٸكتەۋ كەزٸندە بٸلٸمٸ, ەڭبەك ٶتٸلٸ جەنە كەسٸبي سەرتيفيكاتتارى دا ەسكەرٸلەدٸ.
وڭتٷستٸك كورەيادا جۇمىس ٸستەۋگە 18-39 جاس ارالىعىنداعى ازاماتتار قاتىسا الادى. ٷمٸتكەردٸڭ سوتتالماعان بولۋى, كورەيادان بۇرىن كٷشتەپ شىعارىلماعانى, ەلگە كٸرۋگە تىيىم سالىنباعانى جەنە قازاقستاننان شىعۋىنا شەكتەۋ بولماۋى قاجەت. سونىمەن قاتار جارامدى تٶلقۇجات پەن مەديتسينالىق تەكسەرۋدەن ٶتۋ مٸندەتتٸ.
بارلىق تالاپقا ساي كەلٸپ, ٸرٸكتەۋدەن ٶتكەن ازاماتتار رەسمي جۇمىس ٸزدەۋشٸلەر تٸزٸمٸنە ەنگٸزٸلەدٸ. ولاردىڭ بٸلٸمٸ, تەجٸريبەسٸ, سەرتيفيكاتتارى مەن تەست نەتيجەلەرٸ كٶرسەتٸلگەن مەلٸمەتتەر كورەيلٸك جۇمىس بەرۋشٸلەرگە ۇسىنىلادى.
الايدا EPS-TOPIK ەمتيحانىنان ٶتۋ جەنە كانديداتتار تٸزٸمٸنە ەنۋ وڭتٷستٸك كورەيادا جۇمىسقا ورنالاسۋعا كەپٸلدٸك بەرمەيدٸ. سوڭعى شەشٸمدٸ كورەيلٸك جۇمىس بەرۋشٸ قابىلدايدى. جۇمىسقا قابىلداناتىن قازاقستاندىقتاردىڭ سانى جىل سايىن كورەيا تاراپى بەلگٸلەيتٸن كۆوتاعا بايلانىستى بولادى.
جۇمىس بەرۋشٸ كانديداتتى تاڭداعاننان كەيٸن ەڭبەك شارتى جاسالادى. ودان سوڭ الماتىداعى EPS ورتالىعىندا الدىن الا دايىندىقتان ٶتٸپ, جۇمىس ۆيزاسى رەسٸمدەلگەننەن كەيٸن ازامات كورەياعا اتتانادى.
EPS جٷيەسٸ بويىنشا جۇمىس ٸستەۋ مەرزٸمٸ ٷش جىلعا دەيٸن. زاڭدا كٶزدەلگەن جاعدايلاردا ونى تاعى 1 جىل 10 ايعا ۇزارتۋعا بولادى.
ەڭبەك مينيسترلٸگٸ ازاماتتاردى جەكە دەلدالدارعا اقشا نەمەسە قۇجات بەرمەۋگە شاقىرادى. «كورەياعا جۇمىسقا مٸندەتتٸ تٷردە ورنالاستىرامىز» نەمەسە «ٸرٸكتەۋدەن جەدەل ٶتكٸزەمٸز» دەگەن ۋەدەلەرگە سەنۋگە بولمايدى. سەبەبٸ جۇمىسقا قابىلداۋ تۋرالى تٷپكٸلٸكتٸ شەشٸمدٸ تەك كورەيلٸك جۇمىس بەرۋشٸ قابىلدايدى.
تٸركەۋدٸڭ ناقتى مەرزٸمٸ, قۇجات تاپسىرۋ تەرتٸبٸ جەنە EPS-TOPIK تەستٸنٸڭ ٶتكٸزٸلۋ ۋاقىتى تۋرالى اقپارات ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ رەسمي رەسۋرستارىندا قوسىمشا جارييالانادى.
