قازاقستان جۋىردا قىتايدىڭ بانكارالىق وبليگاتسييالار نارىعىندا جالپى سوماسى 6,6 ملرد يۋاندى ($983 ملن) قۇرايتىن «پاندا-وبليگاتسييالاردى» ورنالاستىردى. بۇل – ورتالىق ازييا ەلدەرٸ اراسىندا «پاندا-وبليگاتسييالاردى» بٸر رەتتٸك ورنالاستىرۋ كٶلەمٸ بويىنشا ەڭ ٸرٸ كٶرسەتكٸش, دەپ حابارلايدى Ult.kz قىتايلىق China Daily باسىلىمىنا سٸلتەمە جاساپ.
پاندا-وبليگاتسييالار ەكٸ ترانشپەن, اتاپ ايتقاندا 1,82% جىلدىق مٶلشەرلەمەسٸنە سەيكەس 5 ملرد يۋان كٶلەمٸندە 3 جىلدىق وبليگاتسييالار جەنە 1,95% جىلدىق مٶلشەرلەمەسٸ بويىنشا 1,6 ملرد يۋان كٶلەمٸندە 5 جىلدىق وبليگاتسييالار شىعارىلدى.
China International Capital Corp مەمٸلەنٸڭ نەگٸزگٸ ۇيىمداستىرۋشىسى ەرٸ بۋكراننەرٸ بولدى. Industrial and Commercial Bank of China, China Construction Bank, Bank of China جەنە Export-Import Bank of China – مەمٸلەنٸڭ بٸرلەسكەن ۇيىمداستىرۋشىلارى ەرٸ بٸرلەسكەن بۋكراننەرلەرٸ. قازاقستان تاراپىنان مەمٸلەنٸڭ جالعىز جەرگٸلٸكتٸ مەنەدجەرٸ Teniz Capital Investment Banking كومپانيياسى بولدى.
مامىر ايىندا جالپى سوماسى 3,4 ملرد يۋان بولاتىن العاشقى تەۋەلسٸز پاندا-وبليگاتسييالار سەتتٸ ورنالاستىرىلعاننان كەيٸن, بۇل جولعى ورنالاستىرۋ قازاقستاننىڭ قىتايداعى پاندا-وبليگاتسييالار نارىعىنا قايتا ورالعانىن بٸلدٸرەدٸ.
ەكٸ ورنالاستىرۋدىڭ جيىنتىق كٶلەمٸ 10 ملرد يۋاندى قۇرادى. بۇل قادام قىتاي مەن قازاقستان اراسىنداعى قارجىلىق ىنتىماقتاستىقتى تەرەڭدەتۋ, ەكٸ ەلدٸڭ كاپيتال نارىقتارىنىڭ ٶزارا بايلانىسىن دامىتۋ جەنە يۋاننىڭ ينتەرناتسيونالدانۋىن ودان ەرٸ ٸلگەرٸلەتۋ تۇرعىسىنان ماڭىزدى.
Bank of China ٶكٸلدەرٸنٸڭ ايتۋىنشا, پاندا-وبليگاتسييالاردى سەتتٸ ورنالاستىرۋ قىتايدىڭ كاپيتال نارىعى ەلەم ەلدەرٸنٸڭ تەۋەلسٸز قارجىلاندىرۋى ٷشٸن جوعارى تارتىمدىلىققا يە ەكەنٸن كٶرسەتەدٸ. سونىمەن قاتار بۇل جاھاندىق قارجىلاندىرۋ ۆاليۋتاسى رەتٸندە يۋاننىڭ حالىقارالىق ىقپالىن ودان ەرٸ نىعايتۋعا ىقپال ەتەدٸ.
