«قازاقمىس كورپوراتسيياسى» جشس باسقارما تٶراعاسى رۋسلان ٶسكەنەلٸ قاراعايلى كەنتٸنە جۇمىس ساپارى بارىسىندا قاراعايلى بايىتۋ فابريكاسىنىڭ جۇمىسىمەن تانىستى. ساپار اياسىندا ٶندٸرٸستٸك ينفراقۇرىلىمدى جاڭعىرتۋ, تەحنولوگييالىق جابدىقتىڭ سەنٸمدٸلٸگٸن ارتتىرۋ جەنە كەسٸپورىننىڭ تۇراقتى جۇمىسىن قامتاماسىز ەتۋگە باعىتتالعان ينۆەستيتسييالىق جوبالاردى ٸسكە اسىرۋ مەسەلەلەرٸ قارالدى.
قاراعايلى بايىتۋ فابريكاسى «Qaragayly Tau-ken ondirisi» فيليالىنىڭ قۇرامىنا كٸرەدٸ جەنە ابىز, اقباستاۋ, قاجىقونعان كەن ورىندارىنان ٶندٸرٸلەتٸن پوليمەتالل كەنٸن ٶڭدەيدٸ. كەسٸپورىننىڭ جىلدىق ٶندٸرٸستٸك قۋاتى 1,4 ملن توننا كەندٸ قۇرايدى. نەگٸزگٸ ٶنٸمٸ – مىس كونتسەنتراتى جەنە پيريت كونتسەنتراتى.
ٶندٸرٸستٸك نىسانداردى ارالاۋ بارىسىندا فابريكانى دامىتۋعا باعىتتالعان بٸرٸنشٸ كەزەكتەگٸ ٸس-شارالار كەشەنٸ قارالدى. اتاپ ايتقاندا, سٷزگٸلەۋ ۋچاسكەسٸنە جابدىق ساتىپ الۋ ٷدەرٸسٸن جەدەلدەتۋ, قالدىق شارۋاشىلىعىنىڭ قويىرتپاق قۇبىرىن اۋىستىرۋ, كەسٸپورىندى اۋىز سۋمەن قامتاماسىز ەتەتٸن سۋ قۇبىرىن جاڭعىرتۋ, سونداي-اق ۇساقتاۋ كورپۋسىن قوسالقى جەنە قۇرامداس بٶلشەكتەرمەن قامتاماسىز ەتۋ مەسەلەلەرٸ پىسىقتالدى. اتالعان ٸس-شارالاردى جٷزەگە اسىرۋ جابدىقتىڭ سەنٸمدٸ جۇمىسىن قامتاماسىز ەتۋگە جەنە جوسپاردان تىس توقتاپ قالۋ تەۋەكەلدەرٸن بارىنشا ازايتۋعا مٷمكٸندٸك بەرەدٸ.
كەسٸپورىندى ماتەريالدىق-تەحنيكالىق قامسىزداندىرۋ مەسەلەسٸنە ەرەكشە مەن بەرٸلۋدە. «Qaragayly Tau-ken ondirisi» فيليالىنىڭ 2026 جىلعا ارنالعان ينۆەستيتسييالىق باعدارلاماسى اياسىندا جابدىق, ماتەريال, قوسالقى جەنە قۇرامداس بٶلشەك ساتىپ الۋعا 5,3 ملرد تەڭگەدەن استام قارجى قاراستىرىلعان. ونىڭ ٸشٸندە شامامەن 3 ملرد تەڭگە قاراعايلى بايىتۋ فابريكاسىنا, ال 2 ملرد تەڭگەگە جۋىعى اقباستاۋ, ابىز جەنە ٶزگە دە كەنٸشتەرگە بٶلٸنەدٸ. قاراجات بٸرنەشە نەگٸزگٸ ٶندٸرٸستٸك باعىتتى دامىتۋعا باعىتتالادى. اتاپ ايتقاندا, سٷزگٸلەۋ, ۇساقتاۋ جەنە كونۆەيەرلٸك شارۋاشىلىق ۋچاسكەلەرٸنٸڭ تۇراقتى جۇمىسىن قامتاماسىز ەتۋگە, قۇبىر جەنە سورعى ينفراقۇرىلىمىن جاڭعىرتۋعا, ەلەكتر جابدىقتارى مەن كابەل ٶنٸمدەرٸن, تاۋ-كەن جەنە تەحنولوگييالىق جابدىقتارعا ارنالعان قوسالقى بٶلشەكتەردٸ, سونداي-اق ٶندٸرٸستٸك مٸندەتتەردٸڭ قاۋٸپسٸز ەرٸ ٷزدٸكسٸز ورىندالۋىنا قاجەتتٸ ماتەريالداردى ساتىپ الۋعا جۇمسالادى.
ٶندٸرٸستٸك بازانى ودان ەرٸ جاڭارتۋ اياسىندا فابريكاعا قىزمەت كٶرسەتۋگە ارنالعان جاڭا تيەۋ تەحنيكاسىن ساتىپ الۋ مەسەلەسٸ قاراستىرىلۋدا. بۇل ٶندٸرٸستٸك جۇمىستى جەدەل ورىنداۋعا مٷمكٸندٸك بەرٸپ, تەحنيكانى جالعا الۋ قاجەتتٸلٸگٸن قىسقارتۋعا ىقپال ەتەدٸ.
قاراعايلى بايىتۋ فابريكاسىنىڭ بالانسىنداعى «سوسنوۆىي بور» ۋچاسكەسٸن ارالاۋ جۇمىس ساپارىنىڭ جەكە باعىتى بولدى. نىسان قارقارالى مەملەكەتتٸك ۇلتتىق تابيعي پاركٸنٸڭ اۋماعىندا ورنالاسقان. ونىڭ قۇرامىنا تۇرعىن ٷيلەر, ينجەنەرلٸك ينفراقۇرىلىم نىساندارى, قازاندىق, سونداي-اق سۋمەن جەنە ەلەكتر ەنەرگيياسىمەن قامتاماسىز ەتۋ جٷيەلەرٸ كٸرەدٸ. نىساندى ارالاۋ بارىسىندا عيماراتتار مەن ينجەنەرلٸك جەلٸلەردٸڭ تەحنيكالىق جاعدايى قارالىپ, ولاردى كەزەڭ-كەزەڭٸمەن جٶندەۋ جەنە جاڭعىرتۋ بويىنشا الدا اتقارىلاتىن جۇمىستار ايقىندالدى.
قاراعايلى بايىتۋ فابريكاسىن جاڭعىرتۋ «قازاقمىس» توبىنىڭ ٶندٸرٸستٸك ٷدەرٸستٸڭ سەنٸمدٸلٸگٸن ارتتىرۋعا, تەحنولوگييالىق جابدىقتى جاڭارتۋعا جەنە زاماناۋي ەڭبەك جاعدايىن قالىپتاستىرۋعا باعىتتالعان ۇزاق مەرزٸمدٸ ينۆەستيتسييالىق باعدارلاماسىنىڭ بٸر بٶلٸگٸ بولىپ تابىلادى. كومپانييا ٶندٸرٸستٸك اكتيۆتەردٸ كەزەڭ-كەزەڭٸمەن جاڭعىرتۋعا تۇراقتى ينۆەستيتسييا سالىپ, ولاردىڭ تيٸمدٸ ەرٸ تۇراقتى جۇمىسىن قامتاماسىز ەتٸپ كەلەدٸ.
