قازاقستاننىڭ دەپوزيتتەرگە كەپٸلدٸك بەرۋ قورى Qazaq Banki سالىمشىلارىنا اگەنت بانك - ۆتب بانكٸ ارقىلى كەپٸلدٸك بەرٸلگەن ٶتەم تٶلەۋ مەرزٸمٸ 1 مامىرىنا دەيٸن ۇزارتىلعانى جارييالادى, دەپ حابارلايدى "ۇلت اقپارات" قوردىڭ باسپاسٶز قىزمەتٸنە سٸلتەمە جاساپ.
قور Qazaq Banki الدىنداعى مٸندەتتەمەلەرٸنٸڭ جالپى سوماسىنىڭ 99 پايىزىن ورىندادى. 2021 جىلدىڭ 16 سەۋٸرٸنە دەيٸن قالىپتاسقان جاعداي بويىنشا اتالمىش بانك سالىمشىلارى اگەنت بانك ارقىلى 20,4 ملرد تەڭگە كەپٸلدٸك بەرٸلگەن ٶتەمدٸ الدى. ونى الۋعا 6 مىڭ ادام نەمەسە سالىمشىلاردىڭ 33 پايىزى ٶتٸنٸش بەرگەن.
قازٸر ٶتەمدٸ الماعان سالىمشىلاردىڭ شامامەن 160 ملن تەڭگەسٸ قالعان.
«Qazaq Banki» اق سالىمشىلارى كەپٸلدٸك بەرٸلگەن ٶتەمدٸ الۋ جٶنٸندەگٸ ٶتٸنٸشپەن اگەنت بانكتٸڭ بٶلٸمشەلەرٸنە جٷگٸنە الادى. بۇل ٷشٸن www.vtb-bank.kz سايتى نەمەسە 5050 نٶمٸرٸ بويىنشا (ۇيالى تەلەفون ارقىلى تەگٸن) انىقتاما قىزمەتٸنەن فيليالداردىڭ جۇمىس كەستەسٸ تۋرالى الدىن الا بٸلۋٸ كەرەك.
ەسكە سالامىز, «Qazaq Banki» اق دەپوزيتٸندە, اعىمداعى جەنە كارتا شوتىندا اقشاسى بار سالىمشىلار (جەكە تۇلعالار مەن كەسٸپكەرلەر) كەپٸلدٸك بەرٸلگەن ٶتەمدٸ الۋعا ٶتٸنٸش بەرەدٸ. كەپٸلدٸك مٶلشەرٸ:
- ۇلتتىق ۆاليۋتاداعى قاراجات بويىنشا – 10 ملن تەڭگەدەن;
- شەتەل ۆاليۋتاسىنداعى قاراجات بويىنشا – 5 ملن تەڭگەدەن اسپايدى.
سالىمشىدا تٷرٸ مەن ۆاليۋتاسىنا قاراي بٸرنەشە دەپوزيت بولعان جاعدايدا, كەپٸلدٸك بەرٸلگەن جيىنتىق ٶتەم, ەربٸر دەپوزيت تٷرٸ بويىنشا شەكتٸ مٶلشەردٸ ەسكەرە وتىرىپ, 15 ملن تەڭگەدەن اسپايدى.
بارلىق تٶلەمدەر تەك تەڭگەدە جٷزەگە اسىرىلادى. شەتەل ۆاليۋتاسىنداعى سالىمدار بويىنشا ٶتەم بانكتٸ تاراتۋ تۋرالى سوت شەشٸمٸ زاڭدى كٷشٸنە ەنگەن كٷنٸ – 2018 جىلعى 12 جەلتوقساندا بەلگٸلەنگەن ۆاليۋتا ايىرباستاۋ باعامى بويىنشا ەسەپتەلەدٸ.
