شري-لانكانىڭ باتىس بٶلٸگٸندەگٸ انگۋرۋۆاتوتا قالاسىندا ورنالاسقان قارتتار ٷيٸندە شىققان ٶرت سالدارىنان كەمٸندە 12 ادام قازا تاۋىپ, تاعى 8 ادام جاراقات الدى. قايعىلى وقيعا 3 ماۋسىم كٷنٸ تٷندە بولعان, دەپ حابارلايدى ult.kz.
پوليتسييانىڭ مەلٸمەتٸنشە, ٶرت كەزٸندە عيماراتتا 71 ادام بولعان. قۇتقارۋشىلار مەن جەرگٸلٸكتٸ تۇرعىنداردىڭ كٶمەگٸمەن 51 ادام قاۋٸپسٸز جەرگە كٶشٸرٸلدٸ. زارداپ شەككەندەر اۋرۋحانالارعا جەتكٸزٸلگەن. قارتتار ٷيٸندە ەگدە جاستاعى ادامدارمەن قاتار پسيحيكالىق اۋرۋلارى بار تۇرعىندار دا بولعان.
تەرگەۋ بارىسىندا بۇل مەكەمەنٸڭ رەسمي تٸركەۋدەن ٶتپەگەنٸ انىقتالدى. سونداي-اق عيماراتتىڭ سىيىمدىلىعى نەبەرٸ 15 ادامعا ەسەپتەلگەنٸمەن, وندا 71 ادام تۇرعانى بەلگٸلٸ بولدى. بۇعان دەيٸن مەملەكەتتٸك ورگاندار مەكەمە باسشىلىعىنا بٸرنەشە رەت ەسكەرتۋ جاساعان.
الدىن الا مەلٸمەت بويىنشا, ٶرت ماتراستار ساقتالعان قويما بٶلمەسٸنەن باستالعان بولۋى مٷمكٸن. الايدا تٸلسٸز جاۋدىڭ ناقتى شىعۋ سەبەبٸ ەلٸ انىقتالعان جوق.
وقيعادان كەيٸن قارتتار ٷيٸنٸڭ ديرەكتورى نەمقۇرايلىلىق سالدارىنان ادام ٶلٸمٸنە جول بەردٸ دەگەن كٷدٸكپەن ۇستالدى. سوت ونى تەرگەۋ اياقتالعانعا دەيٸن قاماۋدا ۇستاۋ تۋرالى شەشٸم شىعاردى.
