قاراعاندى وبلىسىندا تابيعي ٶرتپەن كٷرەس كٷشەيتٸلدٸ. قارقارالى مەن اقتوعاي اۋداندارىندا قۇرعاق شٶپ پەن ورمان القاپتارىن جالىن شارپىعان. ٶرت ەلدٸ مەكەندەرگە قاۋٸپ تٶندٸرمەگەنٸمەن, ونى سٶندٸرۋ جۇمىستارى كٷردەلٸ جاعدايدا جٷرگٸزٸلٸپ جاتىر, دەپ حابارلايدى ult.kz.
قارقارالى اۋدانىنداعى جاڭاتوعان اۋىلىنىڭ ماڭىندا قۇرعاق شٶپ ٶرتەنگەن. ٶرتتٸ اۋىزدىقتاۋعا قاتتى جەل مەن تاۋلى جەر بەدەرٸ كەدەرگٸ كەلتٸرٸپ وتىر. سونىڭ سالدارىنان جەكەلەگەن ٶرت وشاقتارىنا جەتۋ قيىنداپ, جالىننىڭ تارالۋ قاۋپٸ ارتا تٷسكەن.
قازٸر اۋىلدى قورعاۋ جەنە ٶرتتٸڭ ەلدٸ مەكەنگە قاراي جىلجۋىنا جول بەرمەۋ ٷشٸن تٶتەنشە جاعدايلار مينيسترلٸگٸ مەن جەرگٸلٸكتٸ اتقارۋشى ورگانداردىڭ كٷشتەرٸ جۇمىلدىرىلدى. ٶرت ورنىنا تجد-نىڭ قوسىمشا كٷشتەرٸ مەن تەحنيكاسى جٸبەرٸلٸپ, جاعدايدى باقىلاۋدا ۇستاۋ ٷشٸن جەدەل شتاب قۇرىلدى.
ال اقتوعاي اۋدانىندا تابيعي ٶرت بۇدان دا اۋقىمدى اۋماقتى شارپىعان. كەجەك اۋىلدىق وكرۋگٸندە, اقشي اۋىلىنان وڭتٷستٸك-باتىسقا قاراي شامامەن 40 شاقىرىم جەردەگٸ تاۋلى ايماقتا جەنە اقتوعاي ورماندار مەن جانۋارلار دٷنيەسٸن قورعاۋ شارۋاشىلىعىنىڭ اۋماعىندا ٶرت شىققان.
الدىن الا مەلٸمەت بويىنشا, جالىن 1090 گەكتار اۋماققا تاراعان. ونىڭ شامامەن 1000 گەكتارى مەملەكەتتٸك ورمان قورىنىڭ جەرٸ.
ٶرتتٸ سٶندٸرۋگە تجد, جەرگٸلٸكتٸ ەكٸمدٸك پەن ورمان شارۋاشىلىعى مەكەمەلەرٸنٸڭ قىزمەتكەرلەرٸ تارتىلعان. بارلىعى 140 ادام مەن 24 تەحنيكا جۇمىس ٸستەپ جاتىر. ونىڭ ٸشٸندە تجد-دان 42 ادام مەن 7 تەحنيكا, جەرگٸلٸكتٸ اتقارۋشى ورگانداردان 78 ادام مەن 13 تەحنيكا, ورمان شارۋاشىلىعى مەكەمەلەرٸنەن 20 ادام مەن 4 تەحنيكا جۇمىلدىرىلعان.
قۇزىرلى ورگانداردىڭ مەلٸمەتٸنشە, ەكٸ اۋماقتا دا ەلدٸ مەكەندەرگە تٸكەلەي قاۋٸپ جوق. دەگەنمەن جەلدٸڭ كٷشەيۋٸ مەن كٷردەلٸ جەر بەدەرٸ ٶرتتٸ تولىق اۋىزدىقتاۋدى قيىنداتىپ وتىر.
قازٸر ماماندار ٶرتتٸ وقشاۋلاۋ جەنە تولىق سٶندٸرۋ جۇمىستارىن تەۋلٸك بويى جٷرگٸزۋدە. جاعداي قاراعاندى وبلىسى تٶتەنشە جاعدايلار دەپارتامەنتٸنٸڭ تۇراقتى باقىلاۋىندا.
