24 اقپاندا مەسكەۋگە ەكٸ كٷندٸك ساپارمەن بارعان قىرعىزستان پرەزيدەنتٸ سادىر جاپاروۆ رەسەي باسشىسى ۆلاديمير پۋتينمەن كەزدەستٸ. بۇل - جاپاروۆتىڭ مەملەكەت باسشىسى رەتٸندەگٸ العاشقى ساپارى.
كرەملدٸڭ حابارلاۋىنشا, رەسەي باسشىسى جاپاروۆتى قىرعىزستان پرەزيدەنتٸ قىزمەتٸنە كٸرٸسۋٸمەن قۇتتىقتاپ, وعان "ەلدەگٸ ٸشكٸ ساياسي جاعدايدى قالىپقا كەلتٸرە الادى" دەپ ٷمٸتتەنەتٸنٸن جەتكٸزگەن.
جاپاروۆ قىرعىزستان "رەسەيمەن ەردايىم ىنتىماقتاستىق ورناتۋعا دايىن" دەپ مەلٸمدەپ, پۋتيندٸ ەلگە كەز كەلگەن ۋاقىتتا رەسمي ساپارمەن كەلۋگە شاقىرعان.
ازاتتىقتىڭ قىرعىز قىزمەتٸنٸڭ حابارلاۋىنشا, كەزدەسۋ بارىسىندا ۆلاديمير پۋتين قىرعىزستانداعى ورىس تٸلٸنٸڭ مەرتەبەسٸ مەسەلەسٸن قوزعاعان.
"مەن ٶز تارابىمنان تاعى بٸر سەتتٸ اتاپ ايتقىم كەلەدٸ. سٸز ورىس تٸلٸنٸڭ مەملەكەتتٸك مەرتەبەسٸن ساقتاپ قالدىڭىز. بۇل ەكٸجاقتى قاتىناستا ٶتە ماڭىزدى دەپ ەسەپتەيمٸن. بۇل بٸز ٷشٸن دە, قىرعىزستان ازاماتتارى ٷشٸن دە ماڭىزدى, سەبەبٸ بۇل رەسەيدٸڭ ەڭبەك نارىعىندا بەلگٸلٸ بٸر ارتىقشىلىقتارعا يە بولۋعا مٷمكٸندٸك بەرەدٸ. ٶز تارابىمىزدان قىرعىزستاندىقتاردىڭ ٶز ەلٸندە ورىس تٸلٸن ٷيرەنە الۋ ٷشٸن بەرٸن جاسايمىز. بٸزدە بەلگٸلەنگەن جوسپارلار بار جەنە سول بويىنشا دا جۇمىس ٸستەيمٸز" دەدٸ پۋتين.
19 اقپاندا ٷكٸمەتكە قارايتىن "سلوۆو كىرگىزستانا" باسىلىمىندا سادىر جاپاروۆتىڭ قىرعىزستان مەن رەسەي قاتىناسى جايلى "سويۋزنيچەسكيە ۋزى" اتتى ماقالاسى جارىق كٶرگەن. وندا ورىس تٸلٸنٸڭ مەرتەبەسٸ مەسەلەسٸن قوزعاعان ماقالا اۆتورى "پرەزيدەنت جەنە ادام قۇقىعى مەن ەركٸندٸگٸنە كەپٸل رەتٸندە جەنە ازامات رەتٸندە بۇل مەسەلە بويىنشا كەز كەلگەن ساياسي مانيپۋلياتسيياعا قارسىمىن" دەپ اتاپ كٶرسەتكەن.
بۇعان دەيٸن جاپاروۆ ساپارى بارىسىندا كوروناۆيرۋسقا قارسى ۆاكتسينا, 100 ملن دوللار كٶلەمٸندە گرانت جەنە جەڭٸلدٸكپەن نەسيە الۋ مەسەلەسٸ, گاز باعاسى مەن ەكٸ ەل اراسىندا تەمٸرجول جەنە اۆيارەيستەر سانىن ۇلعايتۋ تۋرالى كەلٸسسٶزدەر جٷرەتٸنٸ حابارلانعان.
