اقش مەملەكەتتٸك حاتشىسى مايك پومپەو رەسەيگە 2020 جىلى ٶتەتٸن پرەزيدەنت سايلاۋىنا كيلٸكپەۋدٸ ەسكەرتتٸ. رەسەي سىرتقى ٸستەر مينيسترٸ سەرگەي لاۆروۆ ۆاشينگتوننىڭ ۆەنەسۋەلادا جاڭا ٷكٸمەت قۇرۋ ۇمتىلىسىن اقش-تىڭ يراكتاعى ەسكەري كامپانيياسىنا تەڭەستٸردٸ. پومپەو مەن لاۆروۆ مۇنداي پٸكٸردٸ 14 مامىردا سوچي قالاسىنداعى كەزدەسۋدەن كەيٸنگٸ بٸرلەسكەن باسپاسٶز جيىنىندا ايتتى.
اقش پرەزيدەنتٸ دونالد ترامپ ارناۋلى پروكۋرور روبەرت ميۋللەردٸڭ زەرتتەۋٸنەن سوڭ مەسكەۋمەن اراداعى قاتىناستى جاقسارتۋعا ۇمتىلا باستادى. مامىردىڭ باسىندا ترامپ تەلەفون ارقىلى ميۋللەردٸڭ زەرتتەۋٸن رەسەي پرەزيدەنتٸ ۆلاديمير پۋتينمەن تالقىلاعان.
13 مامىردا اقش پرەزيدەنتٸ ماۋسىم ايىندا جاپونييادا ٶتەتٸن "ٷلكەن جيىرمالىقتىڭ" سامميتٸندە پۋتينمەن كەزدەسكەلٸ جاتقانىن ايتقان.
14 مامىردا سوچيدە پومپەومەن كەزدەسكەن پۋتين "مەسكەۋ مەن ۆاشينگتوننىڭ قاتىناسىن تولىقتاي قالىپقا كەلتٸرۋگە ٷمٸتتەنەمٸن. ترامپتىڭ دا سونى قالايتىنىنا سەنەمٸن" دەدٸ. پۋتين 2016 جىلى ٶتكەن اقش پرەزيدەنت سايلاۋىنا رەسەيدٸڭ ىقتيمال ارالاسۋىن زەرتتەپ, ترامپ پەن جاقتاستارىنىڭ مەسكەۋلٸك شەنەۋنٸكتەرمەن ىقتيمال سٶز بايلاسۋىنا دەلەل تاپپاعان ميۋللەردٸڭ زەرتتەۋٸنە قاتىستى پٸكٸر بٸلدٸردٸ. ول تەرگەۋگە "بەيتاراپ" دەپ باعا بەردٸ.
پومپەو مەن لاۆروۆتىڭ ٷش ساعاتقا سوزىلعان كەزدەسۋٸنەن سوڭ ٶتكەن باسپاسٶز جيىنىندا لاۆروۆ مەسكەۋدٸڭ ۆاشينگتونمەن كەزدەسۋگە دايىن ەكەنٸن ايتتى. بٸراق كەزدەسۋدٸڭ جوسپاردا بار-جوعىن ايتقان جوق.
