رەسەي پرەزيدەنتٸ ۆلاديمير پۋتين سەۋٸر ايىندا قاتەرلٸ ٸسٸك اۋرۋىنىڭ سوڭعى ساتىسىن ەمدەۋ كۋرسىنان ٶتتٸ. بۇل تۋرالى Newsweek جۋرنالى جوعارى لاۋازىمدى ٷش دەرەككٶزگە سٸلتەمە جاساي وتىرىپ حابارلادى.
امەريكالىق جۋرنالدىڭ جازۋىنشا, ناۋرىز ايىندا رەسەي باسشىسىنا قاستاندىق جاساۋ ەرەكەتٸ دە بولعان.
باسىلىم مەلٸمەتٸنشە, سەۋٸردٸڭ اياعى مەن مامىردىڭ ورتاسىنا دەيٸن امەريكا بارلاۋ قىزمەتٸ پۋتين قاتتى اۋىرىپ, تٸپتٸ ٶلٸم اۋزىندا جاتىر دەگەن دەرەكتٸ تەكسەرٸپ, ورتاق تۇجىرىمعا كەلگەن. Newsweek-تٸڭ جازۋىنا قاراعاندا, ول كوروناۆيرۋس ٸندەتٸن سىلتاۋ ەتٸپ, وقشاۋلانۋ ارقىلى دەرتٸن جاسىرۋعا تىرىسقان.
"پۋتيننٸڭ بيلٸگٸ مىقتى, بٸراق ابسوليۋتتٸ ەمەس. ونىڭ كرەملدە بيلٸك قۇرعان بٷكٸل ۋاقىتىندا مۇنداي قىزۋ كٷرەس ەشقاشان بولعان ەمەس, بارلىعى مۇنىڭ سوڭى جاقىنداپ قالعانىن سەزەدٸ", – دەيدٸ جۋرنال دەرەككٶزدەرٸنٸڭ بٸرٸ.
جۋرنالدا جارييالانعان ماتەريالعا قاتىستى پٸكٸر بٸلدٸرگەن اقش قاۋٸپسٸزدٸك كەڭەسٸنٸڭ ٶكٸلٸ بارلاۋشىلار اراسىندا پۋتيننٸڭ دەنساۋلىعىنا قاتىستى قانداي دا بٸر تۇجىرىم بار دەگەن اقپارات شىندىققا جاناسپايتىنىن ايتتى.
سەۋٸردٸڭ باسىندا "پروەكت" باسىلىمى 69 جاستاعى پرەزيدەنتكە سوڭعى جىلدارى لور مەن حيرۋرگ جيٸ ۇشىپ بارىپ جٷرگەنٸن حابارلاعان. ەگدە كٸسٸلەردٸڭ قالقانشا بەزٸندەگٸ ٸسٸكتٸ وسى ماماندار ەمدەيتٸنٸ مەلٸم.
پۋتينگە شابۋىل جاسالعان بولۋى مٷمكٸن دەگەن مەلٸمەتتٸ مامىردىڭ سوڭىندا "ۋكراينسكايا پراۆدا" گازەتٸنە ۋكراينا قورعانىس مينيسترلٸگٸ باس بارلاۋ باسقارماسىنىڭ باسشىسى كيريلل بۋدانوۆ مەلٸمدەگەن. شەنەۋنٸك بۇل شابۋىل "شامامەن ەكٸ اي بۇرىن" جاسالعان دەپ ەسەپتەيدٸ. بۋدانوۆ رەسەي پرەزيدەنتٸن ٶلتٸرۋ ەرەكەتٸ "ٶتە سەتسٸز" بولعان دەدٸ.
كرەمل ەدەتتە پرەزيدەنتتٸڭ دەنساۋلىعى تۋرالى مەلٸمەت تاراتپايدى. الايدا پۋتيننٸڭ باسپاسٶز حاتشىسى دميتريي پەسكوۆ "پروەكت" اقپاراتىن "ويدان قۇراستىرىلعان" دەپ اتاپ, پرەزيدەنتتٸڭ دەنٸ ساۋ ەكەنٸن مەلٸمدەگەن.
