14 اقپانعا قاراعان تٷنٸ "روسسييا 24" تەلەارناسى رەسەي پرەزيدەنتٸ ۆلاديمير پۋتيننٸڭ باق رەداكتورلارىمەن كەزدەسۋٸنەن ۆيدەو ٷزٸندٸ جارييالادى, دەپ حابارلايدى ازاتتىق.
كەزدەسۋ بٸرنەشە كٷن بولعان. باستاپقىدا جيىننىڭ "off the record" فورماتىندا (ايتىلعان ەڭگٸمە جارييالانبايتىنىن بٸلدٸرەتٸن ەرەجە. باتىس باسىلىمدارىندا قولدانىلاتىن ۇعىم). الايدا بٸرقاتار باق پەن كەزدەسۋدٸڭ ٶزگە دە قاتىسۋشىلارى جيىننىڭ مازمۇنىن بايانداپ تاستاپ, كرەملدٸڭ نارازىلىعىنا تاپ بولدى.
كەزدەسۋدٸڭ تولىق ۆيدەوسى جارىق كٶرە قويعان جوق. ەڭگٸمە پۋتيننٸڭ كەي سٶزدەرٸ جٶنٸندە ٶربٸپ وتىر.
كەزدەسۋدەگٸ سۇراقتاردىڭ بٸرٸ رەسەيدەگٸ كەيٸنگٸ نارازىلىقتار مەن كرەمل سىنشىسى الەكسەي ناۆالنىيدى قامتىدى. مۇنىڭ الدىندا جارييالانعان حابارلارعا قاراعاندا, بۇل سۇراقتى "ەحو موسكۆى" باسىلىمىنىڭ باس رەداكتورى الەكسەي ۆەنەديكتوۆ قويعان.
سۇراققا جاۋاپ بەرگەن پۋتين ەدەتٸنشە ناۆالنىيدىڭ اتىن اتاماي, "فيگۋرانت" سٶزٸن قولداندى. پۋتيننٸڭ پٸكٸرٸنشە, رەسەيدٸڭ شەتەلدەگٸ قارسىلاستارى ناۆالنىيعا بەس تٸككەن.
"بۇل بٸزدە باعزى زاماننان, گوروح پاتشانىڭ كەزٸنەن كەلە جاتىر. قازٸر دە بار, سەل ارى بارساق بٸرٸنشٸ دٷنيەجٷزٸلٸك سوعىسقا دايىندىق جەنە سوعىستى جٷرگٸزۋ كەزٸندە دە بولعان" دەدٸ پۋتين ناۆالنىيدى سالىستىرىپ وتىرعانداردىڭ اتىن اتاماي.
دەگەنمەن ول نارازىلىقتىڭ وبەكتيۆتٸ سەبەپتەرٸ بارىن مويىندادى.
"ەلەمنٸڭ بارلىق ەلٸندە, سونىڭ ٸشٸندە رەسەيدە دە ادامداردا شارشاۋ, جينالىپ قالعان اشۋ-ىزا, نارازىلىق بايقالىپ وتىر. بۇعان تۇرمىس جاعدايى مەن تابىس دەڭگەيٸ دە ىقپال ەتٸپ وتىر" دەدٸ ول.
پۋتيننٸڭ سٶزٸنشە, رەسەيدٸڭ كەي قارسىلاستارى وسى جاعدايدى "پايدالانباق بولعان. "رەسەيدە ۇستاپ تۇرۋ ساياساتى" ەلدەقاشان باستالعان دەيدٸ ول.
ۆەنەديكتوۆتىڭ ايتۋىنشا, ەڭگٸمە بارىسىندا ناۆالنىيدىڭ ۋلانۋى دا قوزعالعان. بٸراق كەزدەسۋدٸڭ ول تۇسىنىڭ ۆيدەوسى جارييالانبادى. رەداكتوردىڭ سٶزٸنشە, پۋتين بۇرىنعى سٶزٸن قايتالاپ, رەسەيلٸك دەرٸگەرلەردٸڭ ناۆالنىي اعزاسىنان ۋلاعىش زات تاپپاعانىن ايتقان, باتىس ەلدەرٸن ساراپتاما نەتيجەسٸن رەسەيگە بەرمەي وتىر دەپ سىناعان.
"روسسييا 24" تەلەارناسى جارييالاعان ۆيدەو ٷزٸندٸلەردٸڭ بٸرٸندە پۋتين دونباسس تۋرالى سۇراققا جاۋاپ بەرگەن. Russia Today تەلەارناسىنىڭ باسشىسى مارگاريتا سيمونيان ۋكراينانىڭ "دحر" جەنە "لحر" دەپ اتالىپ جٷرگەن جەرلەرٸن رەسەي قۇرامىنا قوسۋ-قوسپاۋ مەسەلەسٸن سۇراعان. پۋتين ەر قادامنىڭ سالدارىن زەردەلەۋ قاجەتٸن ايتىپ, "دونباسستى ەشقاشان تاستامايمىز" دەيدٸ.
پۋتين سونداي-اق "پاسسيونارلىق" تەوريياسىنا (شاماسى ول لەۆ گۋميلەۆتٸڭ عىلىمي تۇرعىدا داۋلى سانالاتىن "ەتنوگەنەزدٸڭ پاسسيونارلىق تەوريياسىن" مەڭزەگەن) سەنەتٸنٸن, بۇل تەوريياعا ساي "رەسەيدٸڭ شارىقتاۋ شەگٸنە ەلٸ جەتپەگەنٸن" ايتتى.
"ٶزگە كەرٸ نە قارتايىپ جاتقان ۇلتتارعا قاراعاندا بٸز ٶسٸپ كەلە جاتقان ەلمٸز" دەدٸ پۋتين.
