پرەزيدەنت ۆلاديمير پۋتين رەسەي ٸندەتتٸ ەڭسەرٸپ كەلەدٸ, ال اقش-تا "حالىق مٷددەسٸنەن گٶرٸ توپتار مەن پارتييالاردىڭ مٷددەسٸ الدا تۇرادى" دەدٸ.
رەسەي پرەزيدەنتٸ بۇل پٸكٸرٸن "روسسييا" تەلەارناسىنا بەرگەن سۇحباتىندا ايتقان. سۇحباتتان ٷزٸندٸنٸ ينتەرۆيۋ اۆتورى پاۆەل زارۋبين جەلٸدە جارييالادى. پۋتين وعان سوڭعى كەزدەردەگٸدەي قاشىقتان ەمەس, كەزدەسٸپ سۇحبات بەرگەن.
پۋتيننٸڭ سٶزٸنە قاراعاندا رەسەيدە مينيسترلەر مەن ايماق باسشىلارى "بٸر كوماندا رەتٸندە" بٸرٸگٸپ جۇمىس ٸستەپ جاتىر. ال اقش-تا بەرٸ باسقاشا: "پرەزيدەنت بىلاي-بىلاي ٸستەۋ كەرەك دەيدٸ, ال جەرگٸلٸكتٸ گۋبەرناتورلار ٶز بەتٸنشە ەرەكەت ەتەدٸ".
كوروناۆيرۋس ينفەكتسيياسىنا بايلانىستى ناۋرىز ايىنىڭ سوڭىندا "جۇمىسسىز اپتا" رەجيمٸن كٷشٸنە ەنگٸزگەن پۋتين ايماق باسشىلارىنا كارانتين شارالارىنىڭ اۋقىمىن انىقتاۋ قۇقىعىن بەرگەن. بٸرقاتار ايماقتاردا, مەسكەۋدە دە "وقشاۋلاۋ رەجيمٸ" كٷشٸنە ەنٸپ, ونى بۇزعاندارعا ايىپپۇل سالىندى, ال كەيبٸر ايماقتاردا رەجيم جۇمساقتاۋ بولدى.
مامىر ايىندا اقپارات قۇرالدارى ٷكٸمەت پەن مەسكەۋ مەرٸ سەرگەي سوبيانين اراسىندا كارانتين مەسەلەرٸنە بايلانىستى قاراما-قايشىلىق تۋىنداعانىن جازدى. بۇعان قوسا, سوبيانيننٸڭ پۋتيننٸڭ تٸكەلەي بۇيرىعىمەن كارانتين شارالارىن بەلگٸلەنگەن مەرزٸمنەن بۇرىن الىپ تاستاۋ تۋرالى شەشٸم قابىلداعانىن جازدى.
رەسەي كوروناۆيرۋس جۇقتىرعاندار بويىنشا ەلەمدە ٷشٸنشٸ ورىندا تۇر. اقش - بٸرٸنشٸ ورىندا. سوڭعى اپتادا ەكٸ ەلدە دە ناۋقاستار سانى سالىستىرمالى تٷردە تۇراقتانعان: اقش-تا كٷنٸنە شامامەن - 25 مىڭ, رەسەيدە 8-9 مىڭ ادامنان كوروناۆيرۋس تابىلىپ جٷر. اقش حالقى رەسەيدەن ەكٸ ەسە كٶپ.
پۋتين سۇحبات كەزٸندە سونىمەن بٸرگە اقش-تا پوليتسييا قولىنان قازا تاپقان دجوردج فلويدتىڭ ٶلٸمٸنەن كەيٸن تۇتانعان نارازىلىق تۋرالى دا پٸكٸرٸن ايتقان. نارازىلىققا نەسٸلشٸلدٸك پەن پوليتسييانىڭ كٷش قولدانۋى سەبەپ بولعانىن ايتپاعان پۋتين ەسەسٸنە مەسەلە "پرەزيدەنت دونالد ترامپقا قارسى ساياسي كٷرەس" تۋرالى بولىپ وتىر دەگەن. پۋتيننٸڭ پٸكٸرٸنشە, ترامپ جەڭٸسٸنەن كەيٸن "جەڭٸلگەن تاراپ ونىڭ لەگيتيمدٸگٸنە نۇقسان كەلتٸرۋ ٷشٸن تٷرلٸ امالدار ويلاپ تاپقان". پرەزيدەنت بۇل تۇرعىدا رەسەيدٸڭ اقش-تاعى پرەزيدەنت سايلاۋىنا ارالاسۋ وقيعاسىن مەڭزەگەن بولۋى مٷمكٸن. تەرگەۋ تارابى ترامپ شتابىنىڭ رەسەيمەن استىرتىن بايلانىس ورناتقانىنا دەلەل تاپپاعانمەن رەسەيدٸڭ ارالاسقانىن ايعاقتايتىن فاكتٸلەردٸ انىقتاعان. مەسكەۋ مۇنى جوققا شىعارادى.
