بٷگٸن رەسەي پرەزيدەنتٸ ۆلاديمير پۋتين اقش-تىڭ سانكتسييالار تۋرالى زاڭىنىڭ جالعاسى رەتٸندە جارييالاعان «جاڭا تٸزٸمٸن» «دوستىق ەرەكەت ەمەس» دەپ باعالادى. مەسكەۋدە ٶزٸنٸڭ سايلاۋالدى كومپانيياسىنا ارنالعان جيىندا پۋتين كرەمل اقش-قا جاۋاپ رەتٸندە ەلدەبٸر قادامدار جوسپارلامايتىنىن ايتتى, دەپ حابارلايدى ازاتتىق.
قاڭتاردىڭ 30-ى اقش قارجى مينيسترلٸگٸ رەسەي پرەزيدەنتٸ ۆلاديمير پۋتينگە جاقىن دەلٸنگەن جەنە بولاشاقتا سانكتسييا سالىنۋى مٷمكٸن ادامداردىڭ «كرەمل ەسەبٸ» دەپ اتالاتىن تٸزٸمٸن جارييالاعان. قۇجاتقا رەسەيلٸك 144 جوعارى لاۋازىمدى قىزمەتكەر مەن 96 "وليگارح" ەنگٸزٸلگەن.
«پۋتيننٸڭ تٸزٸمٸ» دەپ اتالعان بەيرەسمي تٸزٸمدە رەسەي پرەمەر-مينيسترٸ دميتريي مەدۆەدەۆ پەن سىرتقى ٸستەر مينيسترٸ سەرگەي لاۆروۆ بار. تٸزٸمدە فەدەراتسييا كەڭەسٸنٸڭ باسشىسى, مەملەكەتتٸك دۋما تٶراعاسى, سىرتقى بارلاۋ قىزمەتٸنٸڭ ديرەكتورى, تەرگەۋ كوميتەتٸنٸڭ تٶراعاسى, فسب باسشىسى جەنە مەسكەۋ مەرٸنٸڭ اتى-جٶنٸ كٶرسەتٸلگەن.
وليگارحتار مەن بيزنەسمەندەردەن اليشەر ۋسمانوۆ, رومان ابراموۆيچ, سۋلەيمان كەريموۆتەر تٸزٸمگە ٸلٸككەن.
"كرەمل ەسەبٸنە" قامتىلعان شەنەۋنٸكتەر مەن وليگارحتارعا بولاشاقتا سانكتسييا سالىنۋى مٷمكٸن. الايدا اقش پرەزيدەنتٸ دونالد ترامپتىڭ ەكٸمشٸلٸگٸ ەزٸرگە جاقىن ارادا ونداي شارا بولمايتىنىن ايتادى.
