رەسەي پرەزيدەنتٸ ۆلاديمير پۋتين كەلەسٸ اپتادان باستاپ تۇرعىندارعا جاپپاي كوروناۆيرۋسقا قارسى ۆاكتسينا ەگۋدٸ تاپسىردى. بيلٸك ەلدە ەگۋ كامپانيياسى باستالعانىن 2 جەلتوقساندا حابارلاعان. بٸراق ول كەزدە مەسەلە "جاپپاي" ەمەس, "كەڭ اۋقىمدى" ۆاكتسينا سالۋ تٶڭٸرەگٸندە بولعان.
"كەڭ اۋقىمدى ۆاكتسيناتسييادان جاپپاي ەگۋگە كٶشۋٸمٸز كەرەك" دەدٸ ٷكٸمەت مٷشەلەرٸمەن ونلاين-جينالىس ٶتكٸزگەن پۋتين. ول ٷشٸن ينفراقۇرىلىمدى دا دايىندىقتان ٶتكٸزۋ قاجەتتٸگٸن العا تارتتى.
"قۇدايعا شٷكٸر, بٸز ەزٸرلەگەن ۆاكتسينانى تاسىمالداۋ ٷشٸن مينۋس 50, مينۋس 70 گرادۋس سيياقتى ەرەكشە جاعداي قاجەت جوق. بٸزدە بەرٸ قاراپايىم ەرٸ تيٸمدٸرەك جۇمىس ٸستەيدٸ" دەدٸ پۋتين.
ۆيتسە-پرەمەر تاتيانا گوليكوۆا "ٷكٸمەت پرەزيدەنت تاپسىرماسىن ورىنداۋعا دايىن جەنە رەسەيدە جاپپاي ۆاكتسيناتسييا 18 قاڭتاردا باستالادى" دەپ مەلٸمدەدٸ.
كوروناۆيرۋس جۇقتىرعاندار سانى جٶنٸنەن ەلەمدە تٶرتٸنشٸ ورىندا تۇرعان رەسەيدە ٶتكەن ايدان باستاپ سىناقتىڭ ٷشٸنشٸ كەزەڭٸن تولىق اياقتاماعان گامالەيا ورتالىعى ەزٸرلەگەن "سپۋتنيك V" پرەپاراتى تۇرعىندارعا ەگٸلە باستاعان.
رەسەيلٸك تٸكە ينۆەستيتسييا قورىنىڭ مەلٸمەتٸنشە, سودان بەرٸ "سپۋتنيك V" ۆاكتسيناسى 1,5 ملن رەسەيلٸككە ەگٸلگەن.
